«Қобда аудандық дене шынықтыру және спорт бөлімі» ММ

Қуаныш Арыстанұлы Бегалиев
«Қобда аудандық дене шынықтыру және спорт бөлімі» ММ
79-0-60
Волейболдан облыстық турнир
2017 жылдың қараша айының 25 күні Әлия ауылындағы облыстық патриоттық тәрбие беру орталығындағы спортзалда Қазақстан Республикасының Әуе қорғаныс күштерінің әскери ұшқышы майор Үдербаев Еркін Сайланұлын еске алуға арналған ерлер арасындағы облыстық волейболдан турнир ұйымдастырылды. Турнирге облысымыздың Мәртөк, Алға, Темір, Ойыл, Мұғалжар және Қобда аудандарының командалары қатысты. Турнирді аудандық мәслихат хатшысы Ерғалиев Жанболат Қанатбайұлы ашты. Турнир өте тартысты өтті, әсіресе үшінші орынға таласқан Мұғалжар мен Алға, бірінші орынға таласқан Ойыл мен Қобда аудандарының командалары арасындағы ойындар. Нәтижесінде 3-орынды Алға ауданы, 2-орынды Ойыл ауданы, бірінші орынды Қобда ауданы волейболшылары жеңіп алды. Спортшыларға кубоктар, медальдар, мақтау қағаздары және ақшалай сыйлықтар табыс етілді. Және де барлық спортшыларға Еркін Сайланұлының туысқандары Ә.Молдағұлова атындағы орта мектебінің асханасында түскі ас әзірледі.
Үдірбаев Еркіннің әкесі Сайлан ағай турнирге қатысушы спортшыларға және қонақтарға қатысқандарына рахмет айтып, ризашылығын білдірді.
2017 жылдың қараша айының 17-19 күндері аралығында Мұғалжар ауданы Қандыағаш қаласында Мұғалжар ауданының 20 жылдығына, Қандыағаш қаласының 50 жылдығына арналған ерлер арасында волейболдан облыстық турнир өткізілді. Турнирге облысымыздың 7 ауданы Мұғалжар, Байғанин, Ырғыз, Ойыл, Алға, Темір, Қобда аудандары қатысты. Осы сайысты 4-орынды Мұғалжар ауданы, 3-орынды Темір ауданы жеңіп алды. Ақтық сайыста Байғанин ауданымен Қобда ауданы кездесіп нәтижесінде 2 орынды Байғанин ауданы, 1-орынды Қобда ауданы жеңіп алды. Қобда ауданы командасының ойыншылары: Душкенов Асхат, Бекмурзин Медет, Искалиев Олжас, Орынбай Нұрбек, Орынбасар Ержан, Жарасқан Мержан, Бошан Алмат.
Волейболдан облыстық турнир
2017 жылдың қараша айының 25 күні Қобда ауданы, Әлия ауылындағы Ә.Молдағұлова атындағы орта мектебінің спортзалында Қазақстан Республикасының әуе қорғанысы күштерінің әскери ұшқышы майор Үдербаев Еркін Сайланұлын еске алуға арналған ерлер арасындағы облыстық волейболдан турнир өтеді. Турнирге облысымыздың сегіз ауданынан командалар қатысады. Жеңімпаз және жүлдегер командалары бағалы сыйлықтар, кубоктар мен мақтау қағаздарымен марапатталады.
Бөлім басшысының м.а. Қ.Бегалиев
Қобда аудандық дене шынықтыру және спорт бөлімі туралы мәлімет және 2016 жылдың І –жарты жылдығында атқарған жұмыстары.
Қобда аудандық дене шынықтыру және спорт бөлімінің міндеті ауданымызда дене шынықтыру мен спорт саласындағы мемлекеттік саясатты қамтамасыз ету, әр түрі бойынша құрама команда жасақтап облыстық жарыстарға қатысулары үшін қолайлы жағдайлар жасау,балалар мен жасөспірімдердің спортын дамыту, тұрғындардың әр түрлі санаттары арасында - мүгедектердің, денсаулығы нашарлаған адамдар арасында спорт жұмыстарын үйлестіру, тұрғындарды сауықтыру мақсатында салауатты өмір салтын қалыптастыру, дене шынықтыру мен спортты, салауатты өмір салтын насихаттау, салада ақпаратты жүйенің қалыптасуын қамтамасыз ету,
дене шынықтыру мен спорттың материалдық базасын нығайту, дене шынықтыру мен спорт мекемесін спорт құралдарымен, жабдықтарымен, спорттық формалармен жарақтандыру, аудандағы дене шынықтыру мен спорт қызметтерін қамтамасыз ету, ауданымзда спорт түрлерінен спорттық іс-шаралар ұйымдастыру.
Ауданымызда 148 спорттық құрылымдар жұмыс жасауда, оның ішінде 2 стадион (Қобда БЖСМ стадионы 80 орындық және И.Құрманов ат. ОМ стадионы 600 орындық), 24 спортзал, 2 бейімделген спортзал, 120 спорт алаңдарында 4816 адам (24%) спортпен тегін шұғылданады. Оның ішінде 2694 жалпы білім беретін мектептердегі оқушылар, 147 көпсалалы колледж оқушылары, 508 балалар мен жасөспірімдер спорт мектебінде жаттығады және 1467 аудан тұрғындары.
Ауданымызда 232 спорттық іс-шаралар өткізілді, оған 4325 адам осы спорттық іс-шараларға қатыстырылды. Тұрғындар арасындада спорттың 15 түрінен жеңіл атлетикалық кросс, футбол, тоғызқұмалақ, шахмат, дойбы, үстел теннисі, баскетбол(ер, әйелдер), гір көтеру, волейбол(ер, әйел), жеңіл атлетика, шаңғы жарысы, қысқы президенттік көпсайыс, қол күрес, қазақ күресі және еркін күрестер аудандық жарыстар өткізілді. Аудандық ардагерлер арасындағы спартакиада және аудандық «Ақ бидай -2016» жазғы спартакиадасы өткізілді. Әлия ауылында Кеңес Одағының батыры Әлия Молдағұлованың құрметіне арналған облыстық волейболдан жарыс, Қобда ауылында КСРО-ның білім беру, мәдениет, дене шынықтыру және спорт істерінің үздігі Бақдаулет Өрбісіновты еске алуға арналған облыстық еркін күрестен турнир өткізілді.
Аудандық командамыз облыстық шаңғы спорты жарысына қатысып жасөспірімдер арасында 1-орынды және ересектер арасында 2-орынды жеңіп алдық. Шаңғы жарысынан облыстық біріншілікке қатысып командамыз 2-орын алды. Президенттік қысқы көпсайыстан облыстық чемпионатқа қатысып 2-орынды жеңіп алдық. «Ақтөбе» газетінің сыйлығына арналған шаңғы спорты жарысында командамыз 2-орынды жеңіп алдық. Облыстық мемлекеттік қызметшілер арасындағы шаңғы спорты жарысында командалық есепте 3-орын алдық. Баскетболдан әйелдер арасында облыстық чемпионатта 2-орын алдық. Женіл атлетикадан облыстық чемпионатта командамыз 2-орын алды. Дене дайындығынан облыстық чемпионатқа қатысып командамыз үшінші орынды жеңіп алды. Волейболдан облыстық жарыста оқушыларымыз 1-орынды жеңіп алды. Ересектеріміз волейболдан Байғанин ауданында өткен турнирде 3-орынды жеңіп алды. Кикбоксингтен Қобда балалар-жасөспірімдер спорт мектебінің жаттығушысы және 8 класс оқушысы Есенғазы Қазбек республикалық чемпионаттың екі дүркін жеңімпазы атанып және Орта Азия біріншілігінде 1-орынды жеңіп алды. Дзюдо күресінен облыстық жарыстарда Талдысай ОМ оқушылары Жұмағазы Мұрагер, Құлжабай Әбілмансұр, Азамат Шабаров жеңімпаз атанды. Облыстық ардагерлер арасындағы спартакиадасында жеңіл атлетикадан Ж.Каракулова 1-орынды, қазақ күресінен Ж.Байчеркасс 1-орынды, гір спортынан А.Кенбаев 3-орынды, стритбол жарысында ерлер командасы 2-орынды жеңіп алдық.
Облыс әкімінің тапсырмасына орай аудандық бюджеттен бөлінген 15 млн.теңгеге Қобда ауылында көпсалалы хоккей корты құрылысын жүргізу жоспарланып отыр.
Аудан мектептерінің материалдық техникалық базасын жаңартуға 1,5 мың.теңге аудандық жасөспірімдер мектебінің базасын толықтыруға 1,4 мың.теңге бөлінді.