6. Мемлекеттік қызметтер көрсетудің есебі туралы

Қобда ауданы бойынша мемлекеттік көрсетілетін
қызметтер туралы 2017 жылдың 10 айына
ТАЛДАМАЛЫҚ АНЫҚТАМА
Қобда ауданында жергілікті атқарушы органдар және оларға бағынысты ұйымдарын қоса есептегенде барлығы 85 мемлекеттік қызмет көрсетуші мекеме, оның ішінде: 10 аудандық бөлім, 16 ауылдық округ әкімі аппараты, 26 мектеп, 16 мектепке дейінгі ұйым (бала-бақша), саз (музыка) мектебі, оқушылар үйі, ветеринариялық станцияға қарасты 16 ветеринариялық пункттер бар.
Қазақстан Республикасы Үкіметінің 2013 жылғы 18 қыркүйектегі №93 қаулысымен бекітілген «Мемлекеттік көрсетілетін қызметтер тізіліміне» сәйкес мемлекеттік қызметтердің 104 түрі көрсетіледі.
Ауыл шаруашылығы бөлімі - 12 қызмет;
Ветеринария бөлімі – 6 қызмет (ветеринариялық станция – 2 қызмет);
Білім бөлімі – 25 қызмет (мектепке дейінгі ұйымдар – 3 қызмет, мектептер – 9 қызмет, саз мектебі – 1 қызмет, оқушылар үйі – 1 қызмет);
Мәдениет және тілдерді дамыту бөлімі (АХАТ қызметі) – 10 қызмет;
Жұмыспен қамту және әлеуметтік бағдарламалар бөлімі – 20 қызмет;
Тұрғын үй-коммуналдық шаруашылық, жолаушылар көлігі және автомобиль жолдары бөлімі – 9 қызмет;
Сәулет, қала құрылысы және құрылыс бөлімі – 5 қызмет;
Спорт және дене шынықтыру бөлімі – 1 қызмет;
Экономика және бюджеттік жоспарлау бөлімі -1 қызмет;
Жер қатынастары бөлімі – 11 қызмет;
Ауылдық округтер – 20 қызмет.
Оның ішінде 56 қызмет баламалы негізде электрондық түрде, 47 қызмет мемлекеттік корпорация арқылы және 27 қызмет жергілікті атқарушы органдармен және оларға бағынысты ұйымдармен көрсетіледі.
2017 жылдың 10 айының қорытындысы бойынша мемлекеттік қызмет көрсетуші мекемелермен барлығы 38849 қызмет көрсетілді. Олардың ішінде: жергілікті орган арқылы қағаз түрінде – 2306, «электрондық үкімет» веб-порталы және (немесе) Мемлекеттік корпорация арқылы көрсету мүмкіндігі болса да, қызметті берушілермен қағаз түрінде көрсетілгендер саны – 30033, мемлекеттік корпорация арқылы – 4289, электронды үкіметтің порталы арқылы – 2221 қызмет көрсетілді. Мемлекеттік корпорация арқылы қызмет көрсетудің үлесі – 95 %, бұл «Ақтөбе облысы жергілікті атқарушы ограндарының 2017 жылға арналған көрсетілетін мемлекеттік қызметтер сапасын жақсарту бойынша іс-шаралар жоспарының» 8 тармағының (мемлекеттік корпорация арқылы көрсетілетін мемлекеттік қызметтер тұтынушыларының үлесін 75% жеткізу) орындалғанын көрсетеді. Электронды түрде қызмет көрсету (қолжетімді түрлері бойынша) – 83,9 % құрап, облыс жоспарының 9 тармағы (электрондық форматта көрсетілген мемлекеттік қызметтер тұтынушыларының үлесін 60 % жеткізу) орындалды.
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының «Мемлекеттік қызметтер көрсету сапасын мемлекеттік бақылау қағидаларын бекіту туралы» 2016 жылғы 8 желтоқсандағы № 78 бұйрығына сәйкес көрсетілетін қызметтер сапасын бақылау мақсатында қызмет көрсетуші мекемелерге ішкі бақылау жүргізіледі. Бүгінгі уақытта жоспар бойынша 77 мекемеге ішкі бақылау жүргізілді (23 жергілікті атқарушы органдар, 54 ведомстволық бағынысты ұйымдар).
Бақылау іс-шараларының қорытындысы бойынша қабылданған тәртіптік жазалардың саны – 16 ескерту берілді.
Қызмет сапасын арттыру және кемшіліктерді жою бойынша барлығы – 5 ұсыныс беріліп, 5 орындалды.
Жалпы қызмет көрсету мерзімін бұзу фактісінің саны – 1. «Iздестіру жұмыстарын жүргізу үшiн жер учаскелерін пайдалануға рұқсат беру» мемлекеттік көрсетілетін қызметінің мерзімін өткізіп барып көрсетуге жол бергені үшін Қобда ауданы әкімінің 2017 жылғы 13 қыркүйектегі №168 өкімімен аудан әкімі аппаратының бақылау және құжаттамалық қамтамасыз ету бөлімінің басшысы Б.Смағұловқа ескерту берілді, осы бөлімнің бас маманы А.Жекенаеваға 79415 теңге айыппұл салынды.
Мемлекеттік қызметтер көрсететін мекемелер мен ұйымдардың ғимараттары мүмкіндігі шектеулі адамдардың кедергісіз кіріп-шығуы үшін пандусы бар кіреберіспен, қоңырау батырмасы, зағип жандарға арналған белгілермен жабдықталған, арнайы автотұрақтар бар.
Мемлекеттік қызмет көрсету сапасын жақсарту бойынша халық арасында түсіндіру жұмыстары кеңінен жүргізілуде.
2017 жылдың 10 айында аудандық «Қобда» газетінде 21 мақала жарияланды, аудан әкімдігінің сайтында мемлекеттік көрсетілетін қызметтер стандарттары жобаларын талқылауға орналастырылды, мақалалар жарияланды, 3 рет «Ашық есік күндері» акциясы өткізіліп, 92 кітапшалар таратылды. Сонымен қатар, жергілікті атқарушы органдар мен «Халыққа қызмет көрсету орталығы» департаментінің Қобда аудандық бөлімінің мамандарының қатысуымен 8 рет семинар-кеңестер өткізіліп, 141 адамды қамтылды.
«Мемлекеттік қызметтерді алушылардың құқықтары» тақырыбында мемлекеттік және орыс тілдерінде баннерлер орнатылды.
Аудан бойынша мемлекеттік көрсетілетін қызметтер бойынша біліктілігін арттыру курстарынан 16 адам өтті. Осымен бірге, мекемелерде басшылардың ұйымдастыруымен мемлекеттік көрсетілетін қызметтер бойынша жауапы мамандарға құқықтық оқыту жұмыстары жүргізілді. Өткен кезеңде қызмет алушылардан шағым түскен жоқ.
Аудан жұртшылығына қолайлы болу үшін барлық ауылдық округтерде «Өзіне-өзі қызмет көрсету бұрыштары» ашылып, жұмыс жасайды. «Өзіне-өзі қызмет көрсету бұрышы» жұмысының басты мақсаты халықтың өз уақытын үнемдеуі, атап айтқанда электрондық үкімет порталынан онлайн режимінде қызмет алу.
Қобда ауданының білім беру мекемелерінде колледж және мектеп оқушыларына «Электронды үкімет» порталымен жұмыс жасау бойынша сауаттылықтарын арттыру жұмыстары үнемі жүргізіледі. Мемлекеттік қызметтерді электронды түрде алу, порталдан қажетті анықтамаларды алу, төлемдер жасау, өтініштер беру үрдісі бойынша оқыту информатика, тәрбие сағаты, қосымша сабақтар кезінде дәріс және практикалық жұмыстар негізінде жүргізіледі.
Проблемалық сұрақтар:
1. Электронды түрде қызмет алуға ауылдық елді-мекендерде интернет желісінің жылдамдығының аздығы;
2. «Ветеринариялық анықтамалар беру», «Ауыл шаруашылығы жануарларын ветеринариялық паспорт бере отырып бірдейлендіруді жүргізу», «Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан, білім беру ұйымдарына құжаттар қабылдау және оқуға қабылдау», «Жалпы білім беретін мектептердегі білім алушылар мен тәрбиеленушілердің жекелеген санаттарын тегін және жеңілдікпен тамақтандыруды ұсыну» мемлекеттік қызметтері электрондық үкіметтің порталында қол жетімсіз болуы электронды түрде қызмет көрсету бойынша көрсеткішті көтеруге кері әсерін тигізеді.
Аудан әкімі аппаратының мемлекеттік
қызметтер көрсету мәселелерін
үйлестіру бөлімінің басшысы А.Туреев
Ауылдық округтер әкімдеріне, бөлім басшыларына тапсырмалар:
1. Мемлекеттік көрсетілетін қызметтер стандарттары мен регламенттері талаптарының қатаң сақталуын қамтамасыз ету;
2. Мемлекеттік көрсетілетін қызметтердің мерзімдерінің бұзылуына жол бермеу;
3. Мемлекеттік көрсетілетін қызметтерге жауапы мамандарға құқықтық оқыту жұмыстарын жүргізу;
4. Баламалы негізде көрсетілетін мемлекеттік қызметтерді мүмкіндігінше мемлекеттік корпорация немесе «электронды үкімет» порталы арқылы көрсету;
5. Электрондық түрде көрсетілетін мемлекеттік қызметтерді тұтынушылардың үлесін көтеру;
6. Ауылдық округтерде өзіне-өзі қызмет көрсету бұрыштарының жұмысын жүргізу;
7. Аудан тұрғындары, мұғалімдер мен медицина қызметкерлері, колледж және мектеп оқушылары арасында «Электронды үкімет» порталымен жұмыс жасау бойынша сауаттылықтарын арттыру, оқыту;
8. Тұрғындардың электрондық-цифрлық қолтаңба алуларын қамтамасыз ету;
9. Аудан әкімінің сайтына материалдар орналастыру.
Қобда ауданы бойынша мемлекеттік қызмет көрсететін мекемелер
Мекемелер атауы
Қызмет саны
1
Ауыл шаруашылығы бөлімі
12 қызмет
2
Ветеринария бөлімі (ветеринариялық станцияға қарасты 16 ветеринариялық пункттер)
6 қызмет
3
Білім бөлімі (26 мектеп, 16 мектепке дейінгі ұйым (бала-бақша), саз (музыка) мектебі, оқушылар үйі)
25 қызмет
4
Мәдениет және тілдерді дамыту бөлімі (АХАТ қызметі)
10 қызмет
5
Жұмыспен қамту және әлеуметтік бағдарламалар бөлімі
20 қызмет
6
Тұрғын үй-коммуналдық шаруашылық, жолаушылар көлігі және автомобиль жолдары бөлімі
9 қызмет
7
Сәулет, қала құрылысы және құрылыс бөлімі
5 қызмет
8
Спорт және дене шынықтыру бөлімі
1 қызмет
9
Экономика және бюджеттік жоспарлау бөлімі
1 қызмет
10
Жер қатынастары бөлімі
11 қызмет
11
Ауылдық округтер
20 қызмет
Ауылдық округтердегі интернет желісінің жылдамдығы туралы ақпарат
А/о атауы
Жылдамдығы,
мега бит/с
1
Ақырап а/о
0,25 Қазақтелеком
2
Бегалы а/о
0,25 Қазақтелеком
3
Бұлақ а/о
8,0 Мегалайн
4
Бестау а/о
4,0 Астел
5
Талдысай а/о
8,0 Мегалайн
6
И.Білтабанов ат. а/о
1,0 Қазақтелеком
7
Жарсай а/о
0,25 Қазақтелеком
8
Жарық а/о
0,25 Қазақтелеком
9
Жиренқопа а/о
4,0 Астел
10
Қызылжар а/о
0,25 Қазақтелеком
11
Сарыбұлақ а/о
0,25 Қазақтелеком
12
Сөгәлі а/о
4,0 Астел
13
Терісаққан а/о
0,25 Қазақтелеком
14
И.Құрманов ат. а/о
1,0 Қазақтелеком
15
Қобда а/о
8,0 Мегалайн
16
Өтек а/о
1,0 Қазақтелеком
2015 жылға Қобда ауданының жергілікті атқарушы органдарының мемлекеттік қызметтер көрсету мәселелері бойынша қызметі туралы
Есебі
Ауданның жергілікті атқарушы органдар Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» Заңына сүйене отырып мемлекеттік қызметтер көрсетеді, сонымен қатар, ҚР Үкіметінің 2013 жылғы 18 қыркүйектегі бекітілген жаңа мемлекеттік қызметтер тізіліміне сәйкес мемлекеттік қызметтердің 730 түрі болса, оның ішінде жергілікті атқарушы органдарымен мемлекеттік қызметтер 71 түрі көрсетіледі.
2015 жылы ауданда 43 882 мемлекеттік қызмет көрсетілген.
Есептік кезеңде жергілікті атқарушы органдарымен баламалы негізде көрсетілетін мемлекеттік қызметтер 3 931 рет көрсетіліп, оның ішінде халыққа қызмет көрсету орталықтары (бұдан әрі – ХҚКО) арқылы – 3 493 мемлекеттік қызмет көрсетіліп, баламалы негізде көрсетілетін мемлекеттік қызметтерді үлесі 88,9%-ды құрады.
Тек қана ХҚКО арқылы көрсетілетін мемлекеттік қызметтер бойынша 779 мемлекеттік қызмет көрсетілді, оның ішінде 710 мемлекеттік қызмет ХҚКО арқылы көрсетіліп, тек қана ХҚКО арқылы көрсетілетін мемлекеттік қызметтердің үлесі 91,1 %-ды құрады.
2015 жылы 4 027 мемлекеттік қызмет электрондық түрде және 32 882 мемлекеттік қызмет қағаз түрінде көрсетіліп, электрондық мемлекеттік қызметтерді пайдаланушылар үлесі 10,9 %-ды құрады.
Мемлекеттік қызметтер көрсететін барлық мемлекеттік органдарда, тұтынушының мемлекеттік қызметтер көрсету тәртібі туралы ақпарат алу үшін мемлекеттік қызметтер стандарттары мен регламенттері орналастырылған ақпараттық стендтермен жабдықталған.
Сонымен қатар, аудан әкімдігінің ресми интернет ресурстарда мемлекеттік қызметтердің стандарттары мен регламенттері, шағымдану тәртібі, көрсетілетін мемлекеттік қызмет берушінің байланыс мәліметтері, сондай-ақ қызметті онлайн режимінде алу жөніндегі нұсқаулықтар орналастырылған «мемлекеттік қызмет көрсету» тарауы бар.
Тұтынушылардың мемлекеттік қызметтер көрсету сапасына қанағаттанушылығын арттыру мақсатында, жергілікті атқарушы органдарға келесідей міндеттер қойылды:
- электрондық форматта көрсетілген мемлекеттік қызметтердің санын көбейту бойынша жұмыстарын жалғастыру;
- ХҚКО арқылы көрсетілген мемлекеттік қызметтердің үлесін көбейту бойынша жұмыстарын жалғастыру;
- мемлекеттік қызметтер регламенттерін әзірлеу және бекіту бойынша жұмыстарын жалғастыру.