Хромтаудағы жайдарлы кездесу

Қазіргі таңда өзекті мәселелердің бірі, білім беру жүйесін жетілдіру, жоғары оқу орындары мен мектеп түлектері арасында әрекеттестікті оңтайландыру болып табылады. Сол мақсатта ағымдағы 2016 жылдың 27 сәуірі күні, №4 Хромтау орта мектебінің акт залында, Қазақ-Орыс Халықаралық университетінің ұжымы Хромтау аудандық жастар ресурстық орталығымен бірлесе отырып, Хромтау ауданындағы биыл оқу бітіретін мектеп түлектерімен кездесу өткізді.
Кездесудің мақсаты: жастарға кәсіби бағыт-бағдар беру, дұрыс мамандық таңдауға ықпал ету.
Аудан жастарымен кездесуге келген Қазақ-Орыс Халықаралық университетінің кәсіби бағыт-бағдар беру жұмысы бойынша вице президенті Ешпанов Владимир Сарсенбайұлы, аталмыш университеттің тәрбие ісі жөніндегі проректоры Ақжігітова Бибігүл Жақсыбайқызы, Ақтөбе қаласындағы экономикалық құқық колледжінің құқық пәнінің мұғалімі Төремұратова Нұрсауле Хусейнқызы жиналған жастарға тағылымы мол ақпарат берді.
Кездесу соңында делегат болып келген Қазақ - Орыс Халықаралық университетінің 1 курс студенттері аудан жастарына тамаша концерттік бағдарламасын ұсынды. Жиналған жастарда өз тараптарынан сұрақтарын қойып, нақты жауаптарын алды.
Кездесуге барлығы 130 мектеп бітіруші түлек қатысты.