Қобда аудандық жұмыспен қамту және әлеуметтік бағдарламалар бөлімі

Жолдыбаева Разия Мырзабекқызы
Бегалиев Қуаныш Арыстанұлы
Қобда аудандық жұмыспен қамту және әлеуметтік бағдарламалар бөлімінің басшысы
Жұмыспен қамту орталығының директоры
21-3-24
21-0-06
21-3-46
21-6-60
21-6-78
ТРАНСПОРТ ДЛЯ ЛЮДЕЙ С ОГРАНИЧЕННЫМИ ВОЗМОЖНОСТЯМИ
В преддверии праздника дня благодарности прошло торжественное открытие услуги инватакси для лиц с ограниченными возможностями, то есть инвалидам 1группы с нарушением опорно-двигательного аппарата. Мероприятие состоялось перед зданием в центре поддержки инвалидов"Ерасыл-Н. В торжественной церемонии участвовал аким района Мейрамбек Шермаганбет. В нашем районе насчитывается 46 граждан с ограниченными возможностями. Местные исполнительные власти стараются обеспечить им равные условия. Они выделили из бюджета средства на создание инватакси. Эта служба не только поможет в передвижении, но и расширит возможности общения. Можно будет ездить на концерты, на выставки, посещать другие культурные мероприятия. От имени родителей И.Гриценко поблагодарила организаторов за поддержку и внимание.
Кепілдендірілген топтамалар таратылды
2020 жылдың 1 қаңтарынан бастап, Атаулы әлеуметтік көмек көрсетудің тәртібіне өзгерістер енген болатын. Яғни атаулы әлеуметтік көмек алатын отбасылардың 1 жастан 3 жасқа дейін, 3 жастан 6 жасқа дейінгі балаларына ай-сайын әлеуметтік кепілдендірілген топтама шеңберінде азық-түлік және тоқсанына бір рет 1 жастан 6 жасқа дейінгі балаларға кепілді әлеуметтік топтама шеңберіңде тұрмыстық химия тауарларын беру қарастырылған. Осы орайда аудан бойынша қаңтар айына тиесілі 1 жастан 6 жасқа дейінгі 92 балаға бүгінгі күні кепілді әлеуметтік топтама шеңберінде кепілдендірілген әлеуметтік пакет таратылды. Бұл шара қалған елді мекендер бойынша кезең кезеңімен жалғасын табады. Аталмыш шараға аудан әкімінің орынбасары Батырхан Өтепов қатысты.
Айта кету керек қазіргі таңда 107 отбасы 539 адам атаулы әлеуметтік көмекке жүгінді. Аудандық жұмыспен қамту және әлеуметтік бағдарламалар бөлімінің берген мәліметіне сүйенсек, 2019 жылы атаулы әлеуметтік көмекті қаржыландыруға жалпы құны 154,0 млн. теңге бөлініп, қаражат толығымен игерілді. Ауданда АӘК 286 отбасы 1330 адам жоспар болса, нақты 289 отбасы 1375 адамға тағайындалып, өздеріне тиесілі көмекті алып жатыр. Барлығы тәртіпке сай.
Кедейшілік шегінен шығару мақсатында АӘК алушылардың ниеттеріне қарай біржолғы әлеуметтік көмек көрсетілді. Көрсетілген көмектің нәтижесінде 196 отбасы 83 бас ірі қара мал, 132 бас ұсақ мал, 1437 құс сатып алынды. 15 отбасы үйлеріне көгілдір отын кіргізді. 37 отбасы үйлеріне және мал қораларына жөндеу жұмыстарын жүргізді. 16 отбасы 505,0 мың теңге көлемінде мемлекеттік грант алып, жеке кәсіптерін ашты. Ағымдағы жылы АӘК 180 отбасы 782 адамға 32,8 млн.теңге әлеуметтік көмек, ал 500 балаға 17,2 млн. теңгеге әлеуметтік топтама жоспарланды.
Жаңа форматтағы атаулы әлеуметтік көмек
Биылғы жылдың басты жаңалықтарының бірі барлық қазақстандықтарды ойға салды. Сонымен, қай отбасылар әлеуметтік көмекке ие бола алады? Жаңа форматтағы атаулы әлеуметтік көмектің талаптары қандай? Әлеуметтік көмекке жүгіну үшін қандай құжаттар қажет және т.б. сұрақтарды Қобда аудандық жұмыспен қамту орталығының басшысы Қуаныш Бегалиевпен талқыладық.
— Атаулы әлеуметтік көмек алу үшін үйге кіретін кіріс адам басына шаққанда қанша болуы қажет?
— Атаулы әлеуметтік көмек алу үшін үйге кіретін кіріс адам басына шаққанда облыс бойынша белгіленген күнкөріс деңгейінің 70 пайызынан аспау керек. Ол көрсеткіш тоқсан сайын өзгеріп отырады. Мысалы қазіргі 4 тоқсанда оның көлемі 20107 теңге, жаңа жылдан кейін 1 тоқсанға өзгереді.
— 2020 жылдың 1 қаңтарынан бастап атаулы әлеуметтік көмектің мөлшері қандай болады? Биылғы жылғыдай бала басына 20789 теңге аламыз ба?
— Атаулы әлеуметтік көмектін мөлшері отбасының барлық мүшелері үшін кедейлік шегі мен жан басына шаққандағы кіріс арасындағы айырмашылық ретінде айқындалады, ( қазіргідей бала басына 20789 теңгеден төленбейді, барлығына айырмашылық ретінде төленеді) Мысалы: Отбасына кіретін кіріс барлығы 50 мың теңге отбасында 5 адам (50 мың: 5 адам=адам басына 10 мың теңгеден, кедейшілік шегінің мөлшері 20107 теңге 20107-10000=10107 теңге адам басына тағайынлатын АӘК мөлшері яғни отбасына айына 50535 теңге)
— Менің 3 балам бар, кіші баламның жасы 4 те, жолдасым жоқ, жаңа жылдан бастап атаулы әлеуметтік көмекке құжат тапсыра алам ба?
— Егер Сіздің отбасына кіретін кірісіңіз адам басына шаққанда белгіленген мөлшерден аспаса (күнкөріс деңгейінің 70%) атаулы әлеуметтік көмек алуға құқығыңыз бар, бірақ жаңа заңнамаға сәйкес Сіз міндетті түрде жұмыспен қамту органдарының жолдаған жұмыспен қамтудың белсенді шараларына қатысуыңыз қажет. Себебі бала күтімімен аналар тек 3 жасқа дейін ғана отыра алады. Егер Сіз ұсынылған жұмыстан бас тартсаңыз немесе, жұмыспен қамтудың белсенді шараларына (оқуда, шағын несиеден, т.б) қатыспасаңыз барлық отбасына АӘК тағайындалмайды.
— Мен қазіргі таңда атаулы әлеуметтік көмек алып отырмын, ол көмек маған 2019 жылдың шілде айынан бастап 2020 жылдың маусым айына дейін 1 жылға тағайындалған. Мен көмекті әрі қарай ала беремін бе, әлде құжатты қайта тапсырамын ба. Маған 1 жылға тағайындалған ақша қайда кетеді?
— Жаңадан бекітілген «Мемлекеттік атаулы әлеуметтік көмек туралы Заңның 8-1 бабына сәйкес 2020 жылдың 1 қаңтарына дейінгі тағайындалған атаулы әлеуметтік көмекке төлем тек 31 желтоқсанға дейін ғана жүргізіледі, ал 1 қаңтардан бастап бекітілген заңға сәйкес отбасыларымен бұрын қол қойылған әлеуметтік келісім шарт күшін жояды.
Егер Сіздің отбасына кіретін кірісіңіз адам басына шаққанда белгіленген мөлшерден аспаса құжаттарыңызды тапсыруыңызға болады.Атаулы әлеуметтік көмекке құжат тапсыру тоқсан сайын жаңаланып отырылады және өтініш берген айдан бастап тағайындалады.
— Атаулы әлеуметтік көмекке құжатты қалай және қай жерге тапсыруға болады?
— 2020 жылдың 5 қаңтарынан бастап құжат қабылдау жұмыстары сағат 9-00 ден 18-00 ге дейін өзіңіздің тіркелген мекен жайыңыз бойынша жүргізілетін болады.
Құжат қабылдау жөнінде Ақтөбе қаласы және аудандар бойынша алфавиттік бойынша кесте жасалып, барлық әлеуметтік желілерге орналастырылды.
Аудан орталықтарында Халықты жұмыспен қамту орталықтарының, аудандық жұмыспен қамту және әлеуметтік бағдарламалар бөлімдерінің мамандары қабылдайды. Ауылдық округтерде атаулы әлеуметтік көмекті тағайындауға жауапты ассистенттері және ауылдық округі әкімдіктерінің мамандары жүргізеді.
— Отбасы құрамына кімдер кіреді? Кімдер есепке алынбайды?
— Отбасы құрамына бірге тұратын, ортақ шаруашылықты бірге жүргізетін, туыстық қатысы бар, баланы асырап алушы, әке деп танушы, некеде болмаса да бірге тұрып баланы тәрбиелеуге араласушы барлық жанұя мүшесі кіреді.
- отбасы құрамына қосылмайтындар:
1) толық мемлекеттің қарауындағылар;
2) әскердегілер
3) бас бостандығынан айырылу орнындағылар немесе мәжбүрлеп емдеу орындағылар.
Еңбекке қабілетті азаматтар деген кімдер?
— 3 жасқа дейінгі бала күтімімен айналысушы аналарды қоспағанда 1,2 топтағы мүгедектер мен 2 айдан артық уақыт стационарда жатқан азаматтардан басқалардың барлығы еңбекке қабілетті болып есептеледі (асқазан,бүйрек,аяқ т.б ауыратындығы туралы анықтамалар негіз болмайды)
— Отбасы табысын есептеу барысында қандай табыстар ескеріледі? Қандай табыстар ескерілмейді?
— Отбасының жиынтық табысын есептеу кезінде Қазақстан Республикасында және одан тыс жерлерде есептi кезеңде алынған табыстың барлық түрлерi ескеріледі, олар:
1) еңбекақы, әлеуметтiк төлемдер түрiнде алынатын табыс;
2) алимент түрiндегi табыс;
3) жеке қосалқы шаруашылықтан түсетін табыс;
4) кәсiпкерлiк қызметтен түсетiн табыс;
5) жылжымайтын мүлiктi және көлiк құралдарын жалға беруден және сатудан түсетiн табыс;
6) бағалы қағаздардан түсетiн табыс;
7) жылжымайтын мүлiктi, көлiк құралдарын және басқа да мүлікті сыйға тарту, мұрагерлiкке алу түрiнде алынған табыс тағы басқалар
Мыналар отбасының жиынтық табысын есептеу кезінде жеке тұлғаның табысы ретінде қарастырылмайды:
1) атаулы әлеуметтік көмек;
2) тұрғын үй көмегі;
3) жерлеуге арналған біржолғы жәрдемақы;
4) он алты жасқа дейінгі мүгедек балаларға мүгедектігі бойынша мемлекеттік әлеуметтік жәрдемақылар;
5) он алты жастан он сегіз жасқа дейінгі мүгедек балаларға мүгедектігі бойынша мемлекеттік әлеуметтік жәрдемақылар;
6) он алты жасқа дейінгі мүгедек балаларға арнаулы мемлекеттік жәрдемақылар;
7) он алты жастан он сегіз жасқа дейінгі мүгедек балаларға арнаулы мемлекеттік жәрдемақылар;
8) «Алтын алқа», «Күміс алқа» алқаларымен наградталған немесе бұрын «Батыр ана» атағын алған, І және ІІ дәрежелі «Ана даңқы» ордендерімен наградталған көп балалы аналарға тағайындалатын және төленетін ай сайынғы мемлекеттік жәрдемақылар;
9) студенттеріне төленетін мемлекеттік стипендия;
10) отбасына төтенше жағдайлар салдарынан денсаулығы мен мүлкіне келтірілген зиянды өтеу мақсатында көрсетілген көмек;
11) бала тууға байланысты берілетін біржолғы мемлекеттік жәрдемақылар;
Отбасының жиынтық табысын есептеу кезінде жеке қосалқы шаруашылықтан түскен табыс есепке алынады
— Кепілдендірілген әлеуметтік пакет деген не? Оны Кімдер қалай алады?
— Кепілдендірілген әлеуметтік пакет атаулы әлеуметтік көмек алушы отбасыларының балаларына тиесілі
1 жастан 6 жасқа дейінгі балаларына азық-түлік және гигиеналық құралдар түрінде көрсетілетін көмек,
6 жастан 18 жасқа дейінгі балаларына ыстық тамақ, оқу құралдары, мектеп киімдері түріндегі көрсетілетін көмек.
1-6 жас аралығындағы балаларға атаулы әлеуметтік көмек тағайындау мерзіміне, яғни атаулы әлеуметтік көмек тоқтатылған жағдайда кепілдендірілген әлеуметтік пакет те тоқтатылады,
ал 6-18 жас аралығандығы балаларға жалпы білім беру қоры арқылы оқу жылы мерзіміне, яғни атаулы әлеуметтік көмектің тоқтатылуы ыстық тамақ пен оқы құралдарын, мектеп киімдерін беруден бас тартуға негіз болмайды.
Ескерту: Атаулы әлеуметтік көмек тоқтатылған жағдайда кепілдендірілген әлеуметтік пакет те тоқтатылады.
— Мен ажырасқанмын, алиментке жүгінбедім қалай болады?Атаулы әлеуметтік көмекке алимент құжатын тапсыру міндетті ма?
— Қазақстан Республикасының 2011 жылғы 26 желтоқсандағы № 518-ІV Неке және отбасы туралы Кодексінің 138-139 баптарына сәйкес Ата-аналар өздерінің кәмелетке толмаған балаларын күтіп-бағуға міндетті.
Сол себепті, баланың ата-анасының арасындағы неке бұзылса, немесе баланың әкесі болып табылған тұлға баламен бірге тұрмаса баланы бағып отырған ата-ана алиментке жүгінуге міндетті.
Алимент төлеуге міндетті адамның тұрғылықты жерi туралы мәлiметтердiң болмауы себебiнен адамдардың алимент өндiрiп алуға мүмкiндiгi болмаған жағдайда отбасының жиынтық табысы көрсетiлген адамның iздеуде жүргенi туралы тиiстi органдардан алынған құжаттар қоса берiлген жазбаша еркін нысандағы өтiнiш негiзiнде есептеледi және төлеушi:
1) жұмыс iстемейтiн және Орталықта жұмыссыз ретiнде тiркелген
2) бас бостандығынан айыру орындарында не уақытша ұстау изоляторында болған кезде;
3) туберкулез, психоневрологиялық, онкологиялық, санаторий-курорттық диспансерлерде (стационарларда) есепте тұрған кезде;
4) Қазақстан Республикасы тиiстi келiсiм жасаспаған мемлекетке тұрақты тұруға кеткенде;
5) тиісті құқық қорғау органының анықтамасымен немесе учаскелік комиссиясының қорытындысымен расталған, балаларын және басқа да асырауындағыларды асырап-бағудан жалтарған кезде спиртті ішімдіктерді, есірткі заттарын құмарлықпен салынып пайдалануына байланысты ғана тиесілі органдарған қажетті анықтамаларды ұсыну барысында жиынтық табыс алиментті ескермей есептеледі. Қалған жағдайларда алиментті ескермей АӘК есептеуге негіз жоқ.
Көпбалалы аналарды қолдайтын мемлекеттік бағдарламалар
Үстіміздегі жылдың сәуір айынан бері мемлекеттің халықты қолдауға бағытталған әлеуметтік бағдарламаларының ауқымы артып, әлеуметтік аз қамтылған отбасыларына көмектің көлемі артқанын ешкім жоққа шығара алмайды. Өткен аптаның соңында ауданымыздың барлық дерлік көпбалалы аналарының басын қосқан алқалы жиын өтті. Қобда қазақ орта мектебінің мәжіліс залында өткен жиынға аудан әкімі Мейрамбек Шермағанбет қатысты. Алдағы жылдан көпбалалы аналарға төленетін жәрдемақы мен атаулы әлеуметтік көмекті тағайындау барысында орын алатын өзгерістер турасында жан жақты түсіндірілді. Аудан әкімінің орыбасары Батырхан Өтепов көпбалалы аналарды қолдауға бағытталған әлеуметтік жобалар туралы айтты. Көпбалалы аналардың баспаналы болуына, олардың балаларының білім алуына демеу болатын бағдарламалар төңірегінде кеңінен әңгімеледі. Лауазымды азаматтар алтын құрсақ аналардың мұң-мұқтажына құлақ түріп, оларды толғандырған сауалдарын тыңдады. Аналар тарапынан балалардың тегін тамақтануы, жәрдемақы тағайындау барысындағы түйіткілдер жайында сауалдар қойылып, нақты жауаптар қайтарылды.
Атаулы әлеуметтік көмектің пайдасын ауыл тұрғындары көріп отыр
Қобда ауданының Ақырап ауылының тұрғыны атаулы әлеуметтіктің арқасында тірліктерін дөңгелете бастады. Жаңа форматтағы атаулы әлеуметтік шартты және шартсыз ақшалай көмек ретінде күн көріс және аз қамтылған азаматтарға немесе отбасыларға тағайындалады. Шартсыз атаулы әлеуметтік көмек құрамында еңбекке қабілетті мүшелері жоқ, аз қамтылған отбасыларына ай сайын төленеді. Ал шартты әлеуметтік көмек отбасында еңбекке жарамды азаматтары бар аз қамтылған отбасына беріледі. Егер отбасында жұмыс жасындағы еңбекке қабілетті азаматтар болса, онда олар міндетті түрде жұмыспен қамту шараларына қатысуы тиіс. Яғни, еңбекке қабілетті әрбір азаматқа берілетін атаулы әлеуметтік көмекке қосымша мемлекет тарапынан оқып, мамандық алып, жұмысқа тұруына немесе микрокредит алып, өз ісін ашуға қолдау жасалынады. Егер еңбекке қабілетті азаматтар мұндай қолдаудан өз еркімен бас тартса, атаулы әлеуметтік көмек тағайындалмайды. Ал, жұмысқа тарту шараларына қатысудан бас тартса, онда төленіп жатқан атаулы әлеуметтік көмек тоқтатылады. Аудандық жұмыспен қамту орталығының берген мәліметіне сүйенсек, жылдың басынан бері ауданымызда барлығы 272 отбасына осы атаулы әлеуметтік көмек тағайындалып, олар өздерінің тұрмысын жақсартуға мүмкіндік алған.
Солардың бірі Ақырап ауылында тұратын Нұрмановтар отбасы. Назимгүл Кенжеғалиқызы бес баланың анасы. Аталған бағдарлама жайында естіп, бірден аудандық жұмыспен қамту орталығына келген. Барлық талаптарға сай келген отбасының айлық бюджеті қарастырылып, шартты ақшалай көмек берілген. Қайтарымсыз қаражатқа ие болған ерлі-зайыптылар ақылдаса келе, бір сауынды сиыр, отыз балапан қаз сатып алған. Жем-шөбін да дайындап қойған. Ендігі олардың мақсаты – кеңейтіп, тұрмыстарын түзеу. Сондықтан да олардың мемлекет тарапынан берілген бұл көмек үшін алдымен Елбасына, оны жылдам әрі жүйелі жүзеге асыра бастаған жергілікті атқарушы органдарға айтар алғыстары көп. «Атаулы әлеуметтік көмектің игілігін көріп отырғанымыз рас. Бір сауынды сиыр алып, бала-шағамыз ауызы аққа тиді. Алдағы мақсатымыз қорамыздағы мал басын көбейтіп, ел қатарлы өмір сүру. Жалпы ірі-қара малдың пайдасы көп. Бүгінгі таңда өзім секілді аналарға атаулы әлеуметтік көмекті алу үшін керекті құжаттарды қалай толтыру керектігі жөнінде кеңес беріп, өзге де әлеуметтік қолдаулар төңірегінде бар білгеніммен бөлісіп жүрмін», – дейді Назимгүл. Осы орайда айта кетейік, АӘК тұрмысы төмен азаматтарға әлеуметтік жағынан көмек көрсетуді көздейтін мемлекеттік кешенді қолдау көзі. Бұл – бірінші кезекте қаржылық төлемдер. Сондай-ақ, оның шеңберінде мұқтаж жандардың жұмысқа тұруына жәрдемдеседі, белгілі бір мамандықты игеруіне қолдау көрсетіп, оқуға жіберу, шағын несиелер беруге ықпал етеді. Тағы басқа да әлеуметтік қызметтер көрсетеді. Бүгінгі таңда Қобда ауданы әкімдігінің халықты жұмыспен қамту орталығы АӘК алу үшін қажетті құжаттарды қабылдауды жалғастыруда.
БОС ОРЫНДАР ЖӘРМЕҢКЕСІ
Ағымдағы жылдың 12 маусымында "Кедергісіз келешек" партиялық жоба аясында Қобда ауданында мүмкіндігі шектеулі тұлғаларды жұмысқа орналастыру бойынша "Nur Otan" партиясы ғимаратының алдында бос орындар жәрмеңкесі ұйымдастырылды. Жәрмеңкеге 16 азамат қатысып, 3 азамат "Атамекен" кәсіпкерлерді қолдау палатасына "Жас кәсіпкер" оқу курсына жолдама алды, 7 азамат "Жасыл ел", 3 азамат ақылы қоғамдық жұмысқа, 3 азамат тұрақты жұмысқа орналастырылды. Аудан тұрғындарына 134 бос жұмыс орындары ұсынылды және бос орындар жәрмеңкесі тұрақты түрде өткізіледі.
АТАУЛЫ ӘЛЕУМЕТТІК КӨМЕК АЛҒАН ҚОБДАЛЫҚТАР
Ағымдағы жылдың басынан беріле бастаған жаңаша форматтағы атаулы әлеуметтік көмекті Қобда ауданында көп балалы аналар мен аз қамтылған 163 отбасы алыпты. Ал сәуір айынан бастап жоспар бойынша 286 болса, оның ішінде 237 өтініш қабылданыпты. Көрсеткіш өсуі ықтимал, өйткені тұрғындар тарапынан әлі де өтініштер түсіп жатыр. Тағы бір айта кетерлігі, өңірде көп балалы және аз қамтылған отбасылардың шағын шаруашылықтарын дамытуына да көмек беру жайы қарастырылады. Қаржылай көмегін алған жергілікті халық қазір күнкөрісін жақсартып отыр. Мемлекеттен қолдау көргендердің бірі мал асыраса, енді бірі құс шаруашылығын қолға алған. Ал біздің кейіпкерлеріміз көп балалы отбасы Екатерина Киреева мен Гүлдана Байрахметова. Ол үшін алдымен жұмыспен қамту және әлеуметтік бағдарламалар бөлімінен толық мәлімет алып, ондағы маманның көмегімен құжат жинаған.Нәтижесінде, мал бағып, отбастарын асырап отыр.
Екатерина Киреева, жалғызбасты көп балалы ана:
— Отбасыма атаулы әлеуметтік көмек тағайындалып, 1 бұзау, 3 торай, 20 тауық сатып алдық. Қазіргі таңда осы алған мал-құстарымды көбейту басты мақсатым.Осылай кішкене шаруашылықты дөңгелетіп, табыс көзін молайтуға демеу көрсетілсе, мал өсіруге жағдай жасалса, мемлекетке мойын артып, орынсыз көмек күтетін адамдар да азаяр еді деп ойлаймын.
Мемлекет тарапынан берілетін көмек жұмыссыз немесе күнкөрісі төмен отбасыларға өз кәсіптерін ашып, дамытуға берілген зор мүмкіндік. Бұл бағдарлама азаматтарға өз кәсібін ашуға жағдай жасайды.Қазіргі таңда халыққа әлеуметтік көмекті алу бойынша түсіндіру жұмыстары жүргізіліп жатыр.
Гүлдана Байрахметова, Бестау ауылының тұрғыны:
Қаражат қолыма тиген бойда бір жабағы сатып алдым. Жем-шөбі де дайын.
Мемлекеттің беріп отырған атаулы әлеуметтік көмектің арқасында тірлігімді жүргізіп отырмын. Ыңғайлы. Өзім сияқты көп балалы аналарға айтар едім, майда-шүйдеге ақшаны кіргізіп жібермей, осылай балалардың көз алдында отырып мал баққан дұрыс.
Мемлекеттің қаржылай қолдауына ие болған батыр аналар қаражатты желге ұшырмай кәсіп бастап, тұрмысын түзеуге көшкен.Мұның алдыңғы бағдарламадан айырмашылығы отбасыға өз кәсібін ашуға, еңбекке қабілетті жандарды жұмысқа орналастыруға жәрдемдеседі.
Қуаныш Бегалиев, Қобда аудандық жұмыспен қамту орталығының директоры:
«Атаулы әлеуметтік көмек шартты және шартсыз төлемдер түрінде жүзеге асырылады. Шартты көмек 12 айға алынады. Шартсыздары 6 айға алынады. Бұл әлеуметтік көмек үйінде жағдайы шынында да төмен, тамақ және балаларына мектепке баруға киім таппай отырған отбасыларға арналған көмек. Сондықтан бұл жерде комиссия оны ажыратуы керек. Шартты ақшалай көмекті 211 отбасы, 1087 адамға, шартсыз ақшалай көмекпен 33 отбасы, 115 адам қамтамасыз етіліп отыр.Көбісі мал шаруашылығымен айналысып жатыр. Бірі уақ мал алып, бірі мал бордақылаумен айналысып жатыр. Құс шаруашылығын қолға алғандар да бар. Еңбекке қабілетті 54 азаматты жұмыспен қамтыдық. Тұрғындарға атаулы әлеуметтік көмекті дер кезінде үлестіру үшін қазір мамандар күні-түні жұмыс істеуде.
Ал, бизнестік идеяларға көңіл бөлу «Нәтижелі жұмыспен қамтуды және жаппай кәсіпкерлікті дамытудың 2017- 2021 жылдарға арналған» мемлекеттік бағдарламаның «Еңбек» бағытында 2017 жылдан бастап қолға алынған. «Еңбек» бағдарламасы осы секілді ірі бастамалардың заңды жалғасы болып есептеледі. Бұл бағдарламаның негізгі мақсаты еңбек нарығында сұранысқа ие мамандар санын арттыру, ауылда шағын несие беру арқылы азаматтардың өзін-өзі жұмыспен қамтылуы. Бұл тұрғыдан алғанда, кәсіпкерліктің дамуына жол ашылады. Жаңа бизнес-идеяларды іске асыру үшін бізідң ауданға кәсіпкерлікті дамыту үшін қайтарымсыз 8 грант 100 МРП (250 мың теңге) берілген. Қазіргі таңда құжаттар жиналып жатыр. Соған қоса тағы 22 грант 200 МРП (500 мың теңге) дейін беру көзделген. Оған да енді құжаттар жинауды бастаймыз деп отырмыз.Қатысам деушілер аудан әкімдігінің жұмыспен қамту орталығына келулеріңізді сұраймын», - дейді.
Салаға жауаптылар қазір жаңа сипаттағы атаулы әлеуметтік көмек жергілікті халықты кедейлік құрсауынан құтқарып, тұрмысын түзеуіне сеп болуда деп сендіреді.
1 МАУСЫМ БАЛАЛАРДЫ ҚОРҒАУ КҮНІ
1 маусым "Балаларды қорғау күніне" орай, "Ерасыл-Н" мүгедектерді қолдау орталығы аудан бойынша ерекше балаларды Ақтөбе қаласындағы "Yurtapark" ойын-сауықтыру кешеніне серуендетті. Аталған шара балалардың көңілінен шықты. Ата-аналар өз тарапынан ұйымдастырушыларға алғыстарын білдірді.
АТАУЛЫ ӘЛЕУМЕТТІК КӨМЕК
Жаңа форматтағы атаулы әлеуметтік көмекті тағайындау үшін «Е-халық» ақпараттық жүйесіне ауылдық округтер мамандарымен және жұмыспен қамту орталығының қызметкерлері бірлесіп жұмыс істеуде. Бүгінгі күні ауданымыздың 309 тұрғыны атаулы әлеуметтік көмекке жүгінді. Барлығына толық түсіндіру жұмыстары жүргізілді.
Наурыз жауған әз науырыз!
Кеше бейсенбі күні «Ерасыл-Н» мүгедектерді қолдау орталығы және Қобда аудандық жұмыспен қамту және әлеуметтік бағдарламалар бөлімі бірлесіп облыс әкімі Бердыбек Сапарбаевтың «Бақытты балалық шақ» атты жобасының аясында мерекелік іс шара ұйымдастырды. Ұлыстың ұлы күніне арналған мерекелік сахна әдемі безендіріліп, ал оқушылар үйінің тәрбиешулері шағын мерекелік концерттік бағдарлама ұсынды.
«Ерасыл-Н» қоғамдық бірлестігін тәрбиенушісі Мадина Ерлік «Мама» әнін орындаса, мың бұралған бишілер тамаша билерін тарту етті . Салтанатты мерекеге жалғызбасты қарттар мен мүмкіндігі шектеулі балалар шақырылды. Сонымен қатар, шара барысында балалар арасында қызықты сайыстар өткізілді. Белсенді қатысқан балаларға сыйлықтар табыс етілді. Жалғызбасты қарт Валентина Ражева кішкентай бүлдіршіндерге бірқатар әсем сыйлықтарын табыс етті. Мерекеге қатысушылар Нурыз кожеден дәм тәтіп, жылы лебіздерін айтып, тілектерін тілеп, көтеріңкі күймен тарқады .
Облыс әкімі бекітілген кездесу кестеге сәйкес 2018 жылдың 11 қантарында Қобда аудандық әкімдігі ғимаратында Ақтөбе облыстық жұмыспен қамтуды үйлестіру және әлеуметтік бағдарламалар басқарма басшысы Қ.У. Отаров, Ақтөбе облыстық «Азаматтарға арналған үкімет» мемлекеттік корпорациясы» коммерциялық емес акционерлік қоғамының бөлім басшысы Р.К. Иманкулова, Ақтөбе облысының еңбек инспекциясының инспекторы Ж.М. Жубаназаров және Ақтөбе облыстық жұмыспен қамтуды үйлестіру, әлеуметтік бағдарламалар басқармасының әлеуметтік көмек көрсету мәселелерін ұйымдастыру бөлімінің басшысы Г.Ж.Сексенбаеваның қатысуымен «2018 жылдан жаңа нысандағы атаулы әлеуметтік көмекті енгізу туралы», «Әйелдер үшін зейнет жасын 2018 жылдан бастап кезең- кезеңмен 63 жасқа дейін көтеру туралы» және «Еңбек қатынастар реттеу туралы» Қобда ауданының ауылдық округ әкімдері мен мамандарына, аудандық жұмыспен қамту және әлеуметтік бағдарламалар бөлімдері мен аудандық Халықты жұмыспен қамту орталығының мамандарына және аудан тұрғындарына түсіндіру жұмыстар өткізілді. Барлығы 132 азамат қамтылды оның ішінде аз қамтылған отбасы мүшелері және зейнет жасына жететін әйелдер.
Үш жақты комиссия
Қазақстан Республикасы Президентінің 2015 жылғы 20 мамырдағы «100 нақты қадам» бағдарламасының 95 тармағы негізінде, есепті мерзімде, аудандық ұйымдарда қолданыстағы еңбек қатынастары саласындағы заңнама талаптарының сақталуы мен еңбек дауларының алдын алу мақсатында, ұжымдардың жұмыскерлеріне Еңбек кодексінің және өзге де салалық нормативтік құқықтық актілердің нормалары бойынша түсіндірмелер мен оқытып-үйрету жұмыстары және бірқатар тексеру жұмыстары жүргізілді.
Аудандық үшжақты комиссия – бұл атқарушы билік органдарымен, жұмыскерлер мен жұмыс берушілер бірлестіктерінің арасындағы әлеуметтік және еңбек қатынастарын реттейтін диалог алаңы.
Әлеуметтік әріптестік келісімдер әлеуметтік және еңбек комиссиясының қатынастарын реттеу жөніндегі аудандық үш жақты комиссия отырысы 2017 жылы 6 отырыс өткізіліп, 15 мәселер қаралып ,нәтижесінде еңбек құқықтарын қамтамасыз ету,өндіріс үдестерді тұрақтандыру мәселері жөніндегі 51 меморандумға қол қойылды және 367 жұмыс орындары сақталды.Сонымен қатар комиссия шешімімен жеке кәсіпкерлік субъектілердің бизнестік әлеуметтік жауапкершілігі жөніндегі «Парыз» республикалық конкурсына әр номинация бойынша талапкерлерді ұсынылды:
«Үздік әлеуметтік жауапты кәсіпорын» номинацияға қатысқан талапкер
ШҚ «Алтын дала» - басшысы Алитурлиев Сандыбай, Жарсай ауылы
«Үздік ұжымдық шарт»номинацияға қатысқан талапкерлер:
1.ЖК «Нуржол»- басшысы Шалимов Рустам, Қобда ауылы.
2.ИП «У.Утенова»- басшысы Утенова Үміт, Қобда ауылы.
Ағымды жылдың 6 желтоқсанда Еліміздің ең беделді марапаттарының бірі «Парыз » бизнестің әлеуметтік жауапкершілігі байқауы өтті.Аталған шараны жыл сайын ҚР Еңбек және халықты әлеуеттік қорғау министрлігі«Атамекен» Ұлттық кәсіпкерлер палатасы және ҚР кәсіподақтар ферерациясымен бірлесіп өткізіп келеді.Бұл байқауға биіл 10 жыл.Сондықтан ерекше мәртебемен «Парыз табысты 10 жыл!» ҚР Еңбек және халықты әлеуметтік қорғау Министрігілінің дипломмен марапаталды.
Сонымен қатар комиссия отырысының көтерілген мәселердің бірі бас бостандығынан айыру орындарынан босатылған және пробация қызметінің есебінде тұрған тұлғаларды, мүгедектерді,білім беру ұйымдарының түлектері болып табылатын кәмілеттік жасқа толғанша ата-анасынан айырылған немесе олардың қамқорлығынсыз қалған жастарды жұмыспен қамту және де басқа әлеуметтік шараларға тарту .
Аудан бойынша пробация қызметінің есібінде тұрған жұмысқа орналастыру үшін үш пайызы мөлшерінде квота №29 2017 жылдың 16 ақпандағы Қобда аудандық әкімдігінің қаулысымен белгіленді, тұлғалар үшін 4 жұмыс орны
белгіленіп жыл басынан осы санаттаға 12 азамат жұмыспен қамтылды, оңын ішінде 8 тұрақты .
Аудан бойынша мүгедектер үшін №160 2017 жылғы 5 шілдедегі Қобда аудандық әкімдігінің қаулысымен жұмыс орындарының квотасы белгіленіп
жұмыс орындар саның екіден төрт пайызға көбейіп,бүгінгі танда 9 мүгедек жұмысқа жолданды.
Жұмыссыздарды, соның ішінде бас бостандығынан айыру орындарынан босатылған азаматтарды жедел жұмысқа орналастыру мақсатында өңірде жүйелі түрде бос жұмыс орындары жәрменкесі өткізіледі.
Ақтөбе облысы еңбек инспекциясы жөніндегі басқармасының мәлеметі бойынша ағымдағы жылдың есепті кезеңінде ауданда жалақы қарызы, өндірістік жарақат, өндірістік жазатайым 14 оқиға тіркелген .Оңын ішінде 1 факт өндірістік жарақат, жалақы қарызы , зансыз жұмыстан босату, қысқарту 13 факт.
Сонымен қатар ағымды жылы аудан бойынша 12 мемлекеттік мекемелермен кәсіпорындарда, оңын ішінде 8 аудандық мекемелерде 70 азамат жұмыс орындары қысқаруына байланысты жұмыссыз қатарына еніп, бүгінгі таңда 47 азамат жұмыспен қамтылды, немесе орналасқан деңгейі 64 пайызды құрап отыр. Есепті кезенінде ақпараттық жүйеде жұмыссыз ретінде 16 азамат тіркеуде тұр.Атап кетсек Қобда аудандық мектеп балабақшасы, Қиыл БМ, Жарық БМ,Ропповка БМ жабылып 55 азамат қысқарлып, бірақ Қобда аудандық білім бөлімі ішіанара бұл мәселені қолға алып 38 азаматты жұмыспен қамтыды.
2016 жылдың 1-ші қаңтарынан бастап ҚР-ның жаңа Еңбек Кодексінің қолданысқа енгізілуіне байланысты жаңа енгізілімдермен Қобда ауданының кәсіпорындарындағы қолданыстағы ұжымдық шарттар белгілі өзгерістер мен толықтыруларды қажет етеді, мысалы, еңбек қауіпсіздігі мен еңбекті қорғау жөніндегі өндірістік кеңесті құру, жұмыс берушінің қызметін декларациялау, зейнеткерлік жасқа толған адамдарды ауыр жұмыстарға, еңбек жағдайлары зиянды және (немесе) қауіпті жұмыстарға жіберу және т.б. Аталған жаңа енгізілімдер Қобда ауданының кәсіпорындарының ұжымдық шарттарына енгізілуі қажет.Бұдан басқа, жұмыс берушi тараптар қол қойған ұжымдық шартты қол қойылған күнінен бастап бір ай ішінде әрі қарай мониторинг үшiн Ақтөбе облысының еңбек инспекциясы жөнiндегi басқармасына ұсынуға мiндеттi. Осыған орай жұмыс берушілердің назарына және қатан бақылауға алуын сұраймын.
Баяндамамды қорытындылай келе бірнеше ұсыныс енгізуге рұқсат етіңіз
1) Біздің аудан ауылшаруашылық ауданы болғандықтан сонымен қатар жаңа зейнетақы реформалардың өзгерістердін енгізуіне байланысты ауданда ауылшаруашылық кәсіподақты құру;
2) Кәсіподақ белсенділерін Еңбек заннамасының негіздеріне елді мекендерге шығып ірі ауылшаруашылық кәсіпорындарда оқытуды ұйымдастыру.
3) Келесі комиссия отырысын келісім бойынша «Қобда жер» ЖШС-нің ғимаратында еңбек құқықтарын сақтау және жұмысқа қабылдау меморандум келесімін үйымдастыру.
Жаңа әлеуметтік сала объектілерінің жұмысы, олардың қол жетімділігі мен пайдалануы туралы.
Қобда ауданы бойынша 477 мүгедек тіркелген, соның ішінде ересектер арасында 1 топ- 30 адам, 2-топ – 179 адам, 3- топ – 212адам, 18 жасқа дейінгі мүгедек балалар саны – 55.
Жалпы мүгедектердің ішіндегі жүріп тұру іс-қимылы нашар кресло- арбада -20адам, соның ішінде -5 бала, нашар еститіндер – 9 адам,соның ішінде -6 бала, көзі нашар көретіндер- 9 адам, жалпы аурумен -101 адам.
«Нұр Отан » партиясы орталық аппараттың 2017 жылғы 30 маусымда «Кедергісіз келешек» - «Будущее без барьеров» партиялық жобасын жүзеге асыру шеңберінде өткізілген республикалық кеңестің хаттамалық тапсырмасына сәйкес ағымдағы жылдың 1- шілдесі мен 1- ші қыркүйегі аралығында әлеуметтік объектілерінің мүмкіндігі шектеулі азаматтарға қолжетімділігі жайында рейддер жүргізілді.
Қобда ауданы бойынша әлеуметтік инфрақұрылым объектілерінің саны 100. Соның ішінде мемлекеттік мекемелер - 21, денсаулық саласы – 17, әлеуметтік қорғау саласы -1, білім саласы – 34 мекеме, дене шынықтыру және спорт -1 мекеме, мәдениет саласында -15 мекеме және басқа салаларда - 13 мекеме. Барлық мекемелерге мемлекеттік стандарт жолданып бейімделді.
Қобда ауданының ведомствоаралық комиссиясы құрылып, 98 әлеуметтік инфрақұрылым объектілері паспорттау жүргізіліп, бейімдеуден өтті. 2 мекеме «Педагогикалық – психологиялық түзеу кабинеті » КММ және 320 орындық Қобда гимназиясы паспорттау мен бейімдеуден өтіп, бүгінгі күні аудан бойынша әлеуметтік инфрақұрылым объектілері паспорттау толық жүргізіліп 100 пайызға орындалды.
2018 жылы жаңадан салынып жатқан спорттық кешені және «Амангелді» сауда үйі паспорттау мен бейімделуі жоспарлануда.
Аудандық тұрғын-үй-коммуналдық-шаруашылық, жолаушылар көлігі және автомобиль жолдары бөлімі арқылы мүгедектерге арналған 7 дана жол белгілері алынып Қобда аудандық акимат, аудандық сот, аудандық прокуратура, Қобда ауылдық округі, Қобда аудандық жұмыспен қамту және әлеуметтік бағдарламалар бөлімі, Халыққа қызмет көрсету орталығы және аудандық аурухана мекемелерінде орнатылды.
Сонымен қатар көшедегі автокөлік жүретін жол ортасында ақ сызыпен қатар сары сызық жүргізілуі тиіс, жаяу жүретіндер белгісінің қасына дабыл қоңырауы орналастыру қажет, барлық мекемелерде тактильді тақталармен жабдықталуы, жаңадан салынып жатқан барлық ғимараттардың сметалық құжаты дайындалып жатқан кезде мүгедектерге арналған пандус стандартқа сай енгізілуін қажет етеді.
Облыс әкімінің 2017 жылғы қараша айының 17 күні аппарат отырысында берген хаттамалық тапсырмаларын орындау бойынша:
44 АС 20.12.2017 Тәуелсіздік күніне орай ардагерлерге,мүгедектерге, аз қамтылған отбасыларға қайырымдылық көмек көрсету бойынша жұмыстарды күшейту, Жаңа жыл мерекелерінде кездесулер мен құттықтауларды ұйымдастыру.
Аталған мерекелерге аудандық іс-шара жоспары бекітіліп,орындау барысында.
1 желтоқсан Тұңғыш Президент күні мерекесіне орай ұйымдастырылған қайырымдылық шаралар туралы мәлімет.
Барлық елді мекендерге тұрмысы төмен отбасыларына, жарымжан жандарға, жетімдерге, мүгедектерге, жалғыз басты қарттарға, көп балалы отбасына 252 адамға,жалпы сомасы 1500,0 мың теңгеге қайырымдылық ( азық-түлік, киім-кешек, мал азығы,ойыншықтар,қысқы отынмен) көмек көрсетілді сонымен қатар Тәуелсіздік күніне аталған мереке жалғасын табады.
1 Желтоқсан – Тұңғыш Призедент күні және 16 желтоқсан – Қазақстан Республикасының Тәуелсіздік күні мерекелеріне орай қайырымдылық акцияға берілген тізім
А. Т. Ж
Әлеуметтік жағдайы
Көрсетілген көмек
1
Пагадаева Екатерина
Аз қамтылған
ЖШС «Қобда-Жер» әр қайсысына 50 кг ұнмен қамтамасыз етті.
2
Кукбаева Айнур
Аз қамтылған
3
Шингалина Даметкен
ІІ топ мүгедегі
4
Нигметов Тимур
Балалар үйінің түлегі
5
Кошербаева Шолпан
Қамқоршы
6
Ешкей Еркенгуль
Көп балалы
7
Тлеуова Назира
Көп балалы
8
Рыскаль Дмитрий
І топ мүгедегі
9
Гриценко Яна
Бала мүгедек
10
Суханберлиева Акерке
Аз қамтылған
11
Жумашева Света
Аз қамтылған
12
Исатаев Кобланды
Аз қамтылған
Орындаған: Таурбалина Р.Р
8 (71341) 21-0-06
2016ж