«Қобда аудандық мәдениет бөлімі және тілдерді дамыту бөлімі» ММ

Айгүл Төлегенқызы Жұмағұлова
«Қобда аудандық мәдениет бөлімі және тілдерді дамыту бөлімі» ММ
21-5-49
21-0-87
Жас әнші сыйлаған ән кеші
Жаныңды жадыратар әндерді, әншіні тыңдаған кездер ешқашанда естен кетпейді. Ән де, әнші де рухани қазына ғой. Кеше аудандық Мәдениет үйінде жас әнші, бірнеше республикалық ән байқауларының жеңімпазы Нұржан Әбжанның шығармашылық кеші өтті. Тума талант жастың концертіне жиналғандар көп болды. Бұл өнер кешінің атауы «Жүректен жүрекке» деп аталуының өзінде үлкен мән жатыр. Өйткені, қазіргі таңда жанды дауыста ән салған әншіні көру сиреді.
— «Халық алдында есеп беруде үлкен қобалжуды сезіндім. Көпшілік мұны қалай қабылдайды деген сияқты сауал болды. Және сахнаның киесі бар дегендей. Менің арманым қазақтың әнін бойыма дарытып, паш ету. Халықтың ризашылығы мен ықыласының арқасында бүгінгідей дәрежеге жетіп, бір марқайып отырмын. Сахна төрінен орын берген, сый-құрметке бөлеген, шын сүйген, шын ықыласын танытқан қалың халыққа көп рахмет,» - деді жас әнші.
Жас әнші «Сен қорқақсын», «Ақжайнақ», «Туған жер Қобда», «Дүрдараз», «Анашым», «Қызғалдағым», «Сырғанның сынары», «Асыл жарым», «Уәде қайда?», «Түнгі лирика», «Айналайын», «Қасиетті Қобдам құт мекенім» әндерін де шарықтата шырқады. Бұл оның өнерге деген риясыз құрметін көрсетсе керек.Кеш барысында Нұржанның өнердегі достары да келіп көңілден шығып, жаныңды маздатар өздерінің әуезді әндерін шырқап, көрермендерге тарту етті. Қолдау көрсетті. Өнерсүйер қауым да қол соғып, құрметін білдірді. Концерт соңында аудандық мәдениет және тілдерді дамыту бөлімінің басшысы Айгүл Жұмағұлова қобдалықтарға көңілді кеш сыйлаған Нұржан Әбжанға ақ жарқын тілегі мен ризашылығын білдіріп, аудан әкімі Мейрамбек Шермағанбеттің атынан Алғыс хатын тапсырды. Сырт келбеті мен сахнада өзін-өзі ұстауы ешкімге ұқсамайтын өнер иесінің бұл кеш арқылы мерейі тағы бір өсті..«Ер жігіт өнер табар ерте қуса, Ерініп, шаршамаса, белін буса»,- дейді Мағжан Жұмабаев. Балалық шақтан жүрегі өнер деп соққан. Үлкен жүрегі бар адамнан ғана үлкен өнер туады. Нұржан өнерің үстем болсын. Көкіректегі, жүрек тебірентер әнің бітпесін. Құлақтан кіріп, бойдан тұрақ табатын әуезді әндеріміз көп болсын!
Заманауи әлем және жастар
Өткен аптада мекеме ұжымдары мен ауылдық клуб қызметкерлері арасында «Жаңа толқын – 2020» атты клип көрсетуден байқау өтті. Аудандық мәдениет үйінің сахнасында қатысушылар өз өнерлерін ортаға салды. Аталмыш кештің шымылдығын Халықтық «Қарлығаш» би ансамблінің кішкентай топтың небәрі 5-6 жастағы қыздардың биімен ашылып, бағдарламаға өзінше әр қосты.
Барлық қатысушылардың жақсы дайындалғандары көрініп тұр. Өнер көрсетушілер өздерінің орындаған әніне бейнебаян дайындаған. Қазылар алқасының пікірінше, байқауға қатысушылар барлық тапсырмаларды жақсы орындаған. Сахна киімдерінен де барларын салғандықтары көрініп жатты. Музыкалық білімі болмаса да, кәсіби әншілерден кем түспестен өнерлерін паш етті. Концерттік бағдарлама бір демде жоғары деңгейде көңілді өтті. Зал лық толы болды. Көрерменнің жүрегіне қуаныш ұялатқан әндер шырқалып, клип көрсетіліп қошеметте көп болды. Мерекелік іс шара «Рухани Жаңғыру»бағдарламасына жасалған тағыда бір қадам деуге тұрарлық болды.Кештің тізгінін ұстаған жүргізушілер Алтынгүл Тұрарова мен Айдын Жақсылықов қатысушыларға өз музыкалық номерлерін әкеліп, атсалысқандары үшін алғыстарын білдірді. Кеш барысында Жиренқопа ауылынан келген Еламан Смагулов түрік, украин тілінде ән айтып зор қошеметке бөленді.
Жеңімпаздарды марапаттау сәті келіп жеткенде, Бас жүлдені «Нұрлы болашақ» балабақшасының ұжымы иеленді. Бірінші орын «Шұғыла» бөбекжайы, екінші орын Жиренқопа ауылдық клубы, үшінші орын Қобда гимназиясына бұйырды. Қобда қазақ орта мектебі мен Сарбұлақ ауылынан келген қатысушылар Алғыс хатпен марапатталды. Барлық қатысушы ұжымдарға бағалы сыйлықтар табыс етілді. Осылайша, қатысушылардың белсенділігіне, өнеріне риза болдық. Бүгінгі концерттік бағдарлама өнерге сусындап отырған аудан тұрғындарының көңілдерін бір көтерді. Концерт жоғары деңгейде өтті. Бірлігі жарасқан ауданның мәдениетін көтерушілер барлығыңызғада да шығармашылық жетістіктер тілейміз!
Халықтық «Гүл-М-Жан» мен «Айқаракөз» әжелер ансамблі олжалы оралды
16 ақпан күні Ақтөбе қаласында «Бейбітшілік әлемі» халықаралық қазақ творчествалық бірлестігінің ұйымдастыруымен Ұлы Абайдың 175 жылдығына арналған Халықаралық фестиваль-байқауы өтті. Осы аталмыш өнер додасында қазылар алқасының пайымдауынша біздің халықтық «Гүл-М-Жан» тобы Бас жүлдемен қатар топтың әр мүшесі «Мәдениет майталманы» төсбелгісімен марапатталды. Бұл жүлде «Гүл-М-Жан» үшін алғашқы емес, алайда орны бөлек. Ал,халықтық «Айқаракөз» әжелер ансамблі бірінші жүлделі орынмен оралды. Қазылар алқасының жоғары бағасына ие болған біздің өнерпаз әжелер өзгелерден несімен өрелі болды. Өнерлі әжелер қазақтың салт-дәстүрін жаңғырту жолында аянып қалар емес. Қарт аналар жаңарған заман үдерісімен де үндес болуға талпынады, әркез. Байқауда ұлттық құндылықты ұлықтаған әр ауданнан әжелер ансамблі қатысып ән салды. Әжелер ансамблі ұлттық дәстүрді ұлықтаушы, ұлағатты істердің ұйытқысы. Ендігі арман кейінгі ұрпаққа осы салт-дәстүрді бойына сіңіру.Әжелеріміз ұмыт болған халық әндерін насихаттап, өз өнерлерін ортаға салып жүр. Халық әндерінің құлаққа тез сіңіп, жүрекке қона қалатындығы олардың табиғилығы мен ерекше қасиеттілігінде. Күміс көмей әжелер зейнеттік жасында да өскелең ұрпаққа өнегелі із салып келеді.
Әнші әжелердің репертуары халық әндерінен құралған. "Шәмші әндерінің өзалдына орны бөлек",- дейді олар. Ән қорын одан әрі кеңейтіп, халықаралық байқауларға қатыса бермек ниетте.
«Гүл-М-Жан» халықтық тобы ұрпақтан-ұрпаққа мұра болып келе жатқан ұлттық өнерімізді, соның ішінде дәстүрлі ән-термемізді дәріптеп келе жатқан өнер ұжымы.
Қадыр ақынның «Нағыз қазақ – қазақ емес, нағыз қазақ – домбыра» деуі тектен-тек емес. Топ мүшесі Жанат Көкжанова болса қазақтың қара домбырасымен дәстүрлі ән-термені орындап, көрерменнің ықыласына бөленіп, ұлттық өнерді насихаттауға ерекше көңіл бөледі. Бүгінде халқының сүйіктісіне айналған өнер шеберлері көрермендерінің көңілінен ойып тұрып орын алды. Бұл қазақтың ән мен күйлері әлі де ғасырларға жалғаса беретінінің белгісі. Байқау барысында «Гүл-М-Жан» тобы Т. Әлімбекұлының сөзіне жазылған Ә. Алтаевтың «Қазақстаным алға» ал әжелер халық әні «Ақтамақ» әндерін шырқапты. Әжелердің шат мінездеріне қарасаң, кезінде олардың белсенді жандар болғаны сезіледі. Дегенмен, болды демеймін, олар қазір де осындай. Көңілді, жүздерінен сықылықтаған күлкі кетпейтін бойжеткен секілді. Ал сахна мен ән айту – кәрілік пен әжімге қарсы керемет құрал. Күміс көмей әнші әжелеріміз өз ауданының намысын қорғап, өнер додасында барын салып қайтты. Осындай өнерлі әжелеріміз бен «Гүл-М-Жан» барда біз әлі талай жүлдені аларымыз анық. Лайым солай болғай!
БИ ӘЛЕМІ – БИІК ӨНЕР
Тұңғыш президентіміз Нұрсұлтан Назарбаев биылғы жылды салтанатты түрде «Жастар жылы» деп атады. Міне оның айғақты көрінісі ретінде жастарға арналған алуан түрлі шаралар ұйымдастырылуда. Осы орайда аудандық мәдениет және тілдерді дамыту бөлімі мен аудандық Мәдениет үйінің ұйымдастыруымен өнер өлкесінің бір парасы саналатын би жанрын әспеттеген жастар арасында әр ұлттың би өнерін, мәнін дәріптеу, насихаттау мақсатында «Би әлемі» атты сайыс өткізілді. Аталмыш балға әр түрлі саладағы жас мамандардан құралған 5 жұп қатысып, өз өнерлерін көрсетті. Жастар жылы және Қобда ауданының құрылғанына 90 жыл толу аясында ұйымдастырылған осынау шараның негізгі мақсаты Қобда жастарының мәдениетке деген, өнерге деген құлшынысын арттыру. Би жарысының 1-кезеңінде 5 жұп әр ұлттың билерін билесе, 2-кезеңде латын америкалық, модерн билерін көрсетті. Әділқазы алқалары жұптардың ұйымшылдығы мен би өнерінің үйлесімділігіне, сахна мәдениетіне мән берді.
Қазақта би саласы әлімсақтан келе жатқан өнер. Ол ұлтымыздың тұрмыс-тіршілігінен туындаған. Қазақ биі ұлттық салт-дәстүрді танытатын өнердің төресі. Бидің құрылымынан, болмысынан ұлттық қасиет көрініс табады. Ол ішкі сезімді бейнелейтін қимыл қозғалыстан туындайды. Ойды тілмен емес - қимылмен жеткізу қиынның қиыны» дейді әлемге танымал биші Шұғыла Сапарғалиқызы. Ал қазақ би өнерінің классигі Шара Жиенқұлова «Би қимылы тұнып, толқып тұрған поэзия, ол көркемдіктің бір көрінісі» дейді. Осы тұжырымдамалардан би өнерінің халқымызға қаншалықты маңызы зор екенін байқаймыз.
Осындай киелі өнердің одан әрі қарыштап дамуына 2017 жылдан бері Орал қаласы М. Өтемісұлы атындағы Батыс Қазақстан университетінің «мәдениет тынығу жұмысы» мамандығы бойынша бітіріп, ауданымызға асқақ арманы мен шалқар шабытын арқалай келген жас маман хореграф – Алтынгүл Тұрарова зор еңбек сіңіріп көледі. Ол аз жылда ауқымды жұмыстар атқарып би саласын бір арнаға тоғытып, жүйелі жолға қоя білді. Бұрындары өз өмірінде кәсіби хореографиямен айналыспаған адамдарды биге үйрету, олардың әуенді есту, оны сезуі, әрбір қозғалысы оңайға соқпаған болар. Дегенмен де олардың барлығы бүгін өз өнерлерін барынша көрсетті.
Қатысушы жұптар өзіндік музыкалық ырғағы және пластикалық жүрісі мөн ибалық әдептері бар үнді, түрлі қимыл әрекеттерімөн көңіл хошын келтіретін латындық танго, грузин, түрік, адамның рухын көтеретін орыс, бірде құйындай ұйытқитын латын америка, арқаны қыздырып, дөлебөні қоздыратын эстрадалық жастар билері биленді. Осы билер арқылы әр ұлттың бітім-болмысын, мінезін ұғынғандай боласың. Бұл күні оларды қолдауға жиналған халықтың қарасы көп болды. Зал лық толы болды.
Кеш соңында 5 жұптың барлығы да марапатталып, сыйлықтар алды. Ал әділ қазылардың шешімімен яғни бес жұптың ішінен 1-ші жүлделі орынды Қобда орта мектебінің атынан шыққан жұп Ольга Меллер және Қайрат Нұрниет жеңіп алды. 2-ші орынды Зупаров Нұрсұлтан (Қобда көпсалалы колледжі) мен Гүлжайна Жоламанова (Исатай Тайманұлы атындағы Қобда Гимназиясы) иеленсе, 3-ші орын аудандық орталық аурухананың атынан шыққан Данияр Рахат пен Жұмагүл Сеймағанбетке бұйырды. Абылайхан Изтлеуов (Қобда қазақ орта мектебі) пен Нұргүл Назарова («Шұғыла» бөбекжай балабақшасы), Хансұлтан Халелов ( жастар ресурстық орталығы) пен Венера Әкімгерейқызы («Шұғыла» бөбекжай балабақшасы), Азамат Чанчаров пен жұбы Ақтоты Жанажановалар Алғыс хатпен марапатталды.
Жұптарды дайындаған тәлімгерлер «Қарлығаш» халықтық би ұжымының үлкен топ мүшелері Гүлфайруз Мендығали «Ең үздің тәлімгер» номинациясымен, Аяжан Шымбекова, Іңкәр Туребаева, Арай Мұхамеджан, Ақбота Макарова, Әсел Дусаева, Айнұр Ғалымжанова да Алғыс хатқа бөленді. Сондай-ақ бірқатар мекеме басшыларына да Алғыс хат табыс етілді.
Келіндер сынға түсті
Қазақ әуелден «Келіні жақсының - керегесі алтын» деп босағадан аттаған жас жанның тәрбиесі мен көрген-түйгеніне мән берген. Ғасырлардан келе жатқан осы үрдіс бүгін де өз маңыздылығын жойған жоқ. Оған ауданда өткен келіндердің сайысы тағы бір рет дәлел болды. «Рухани қазына» кіші бағдарламасы және «Жастар жылы» аясында аудандық Мәдениет және тілдерді дамыту бөлімінің қолдауымен аудандық Мәдениет үйінің әдіскері Айман Сарбаланың ұйымдастыруымен «Шаңырақ шуағы» атты жас келіндер байқауы өткізілді. Қазақтың әдет-ғұрпын құрметтеп,салт-дәстүрін берік ұстанған инабатты, ибалы қазақ келінін дәріптеу мақсатында ұйымдастырылған сайысқа ауылдардан ең шебер, пысық, сымбатты деген 6 келін қатысып, бақтарын сынады. Айтып кететін болсақ, Әлия ауылынан – Әсел Құтанова, талдысайлық – Айнұр Ешмұханова, Өтек ауылынан Сымбат Калиева, Жарсай ауылынан – Ырыскүл Тлеміс, Егіндібұлақтан – Гаухар Сайлыбаева, Ақсай ауылынан Майра Бекбулатова сияқты әр отбасының ұйытқысы болып отырған келіндері өз өнерлерін ортаға салып, жан-жақты қырларынан танылды.Қатысушылар байқау шарттары бойынша алдымен өздерін таныстырып өтіп, қазақтың салт-дәстүрі, әдет-ғұрып жайында қойылған сауалдарға жауап берді. Мұнан соң, өздері жасаған қолөнер бұйымдарын қазылар алқасына ұсынып, ұлттық киім үлгілерін көрсетті. Сәні мен салтанаты жарасқан келіндер сайысында қазылар алқасы құрамында «Халықтық «Айқаракөз» әжелер ансамблінің мүшесі, ардақты ана,асыл әже – Айман Камиева, Қобда қазақ орта мектебінің қазақ тілі мен әдебиеті пәні мұғалімі – Баян Жотаева, аудандық мәдениет Үйінің режиссері,әнші – Ерұлан Жиеналин болды.
Ұлттың ұйытқысы болып отырған ауылдарда бүгінде ененің тәрбиесін көрген келіндер ұлттық салт дәстүрді ұмытпай, ұлықтап келеді. Екінші анасынан алған тәрбиені, үйреткен үрдісін, қазақы қалыпын сақтап жүрген аяулы келіндердің қарасы көп. Сайыс өте тартысты өтті. Әділқазылар алқасына бірінен бірі өткен өнерлі, шебер қолды, ісмер, аспаз келіндердің арасынан үздігін таңдау оңайға соққан жоқ. Келіндеріміз ұлттық ою-өрнекпен көмкерілген көрпешелерді, ұмытылып бара жатқан ұлттық асымызды керемет дайындап, көпшілік назарына ұсынды. Ұсынып қана қойған жоқ, ұлттық ою-өрнектердің қыр сырынан сыр шертіп, ұлттық асымыздың қалай дайындалу жолдарын да жіліктеп, жіктеп өтті. Ұлттық салт дәстүрімізді, ұлттық үрдісімізден де хабардар екендіктерін байқатты. Осындай өнерлі, зейінді келіндер тұрғанда қазақы қалпымыз, ұлттық үрдісіміз ешуақытта да жойылмай, ғасырдан ғасырға, ұрпақтан ұрпаққа жалғаса беретіндігі шын қуантты. Байқау қорытындысымен ережеге сәйкес өз тапсырмасын үздік орындаған әлиялық Әсел Құтанова бас жүлде, талдысайлық – Айнұр Ешмұханова 1-ші, Егіндібұлақтан келген Гаухар Сайлыбаева 2-ші, Өтек ауылынан Сымбат Калиеваға 3-ші жүлделі орындар мен сыйлықтар табыс етіліп, өзге қатысушыларға алғыс хат пен ынталандыру сыйлықтары ұсынылды. Көпшілік көңілді күймен тарасты.
Айдын Жақслықов жеке концерт берді
Кеше аудандық Мәдениет үйінде Елбасының «Рухани жаңғыру» бағдарламасы аясында Жастар жылы шеңберінде және Қобда ауданының 90 жылдығына орай ауданның жас өнерпазы, шоумен, креативті жастарының бірі Айдын Жақслықовтың «Қазағымның әні» атты шығармашылық кеші өтті.
Ол осы ауданда дүниеге келіп, аудан мәдениетінің дамуына өз үлесін қосып жүрген жастарымыздың бірі де бірегейі. Әртүрлі байқауларда үздіктер қатарынан көрініп жүрген Айдын заманауи әндерді әрлеп, жастардың көңілінен де шығып жүр. Кез келген ел өнерімен, мәдениетімен бағаланады. Айдынның көпшіліктің көңілінен шығып, мәдениет саласында аянбай еңбек етіп жүргенін бәріміз білеміз. Ауданымыздың бүгінгі қол жеткізген жетістіктерінде өзіндік қолтаңбасы бар. Ән адам жанының айнасы іспеттес. Сол себепті де, бұл кештің ерекшелігі әнмен қоса, актерлік шеберлік қырлары да танылуда. Аудан мәдениетінің дамуына одан әрі қызмет етіп, құнды дүниелер өмірге әкеледі деп ойлаймыз.
Кең залда тума талант жастың өнер дүлдүлін қошеметтей келгендердің қарасы қалың болды. Бірақ айта кететін бір жайт кешке шақырылған басшылардың ешбірінің қарасы көрінбеді. Саxна шымылдығы «Гиккай» әнімен ашылды.
Кеш барысында кеш иесіне арналған Ақшолпан Ахмадиқызының құттықтау тілегі оқылды. Сахна төрінде Айдын өзінің адам болып қалыптасуына анасының ықпалы зор екендігін айрықша құрметпен жеткізіп, өзін ақ сүтімен асыраған, аяулы анасы мен барша асқар таудай әкелердің құрметіне әннің ең асылын арнады. Ол «Асыл ана» және «Менің әкем ең жақсы адам» әні еді. Өнер иесі Қобда ауданының мерейтойына арнап кеш өткізіп жатқанын аудан үшін үлкен мәртебе деп білемін. Сондай-ақ кеш барысында Айдын өз тарапынан өзінің концертіне бірінші болып билет алған әжейге, ерекше жағдайды қажет ететін бір балаға және аудандық отбасы үлгісіндегі балалар үйіне ақшалай сертификат тарту етті.
Адам бойында таланты болса, алар асуы биік болары хақ. Өнерді сүйетін, құрметтейтін көрермендеріміз, мынау сахна төрінде өнер саласындағы мақтанышымыз Айдынның өнердегі әріптестері де ән орындады. Қолдау көрсетті.
Өнерсүйер қауым да қол соғып, құрметін білдірді. Мәдени шара аудан тұрғындарына ән мен саздан ерекше күй сыйлап, шабытқа, шаттыққа бөлегендей.
Жақсыны көрмекке келген ағайын сый-сияпат табыстап, аяулы сөздерін арнап жатты. «Ел іші – өнер кеніші» демекші, осындай тамаша кештер арқылы табиғи таланттарды танып, оларды бағалай білсек, нұр үстіне нұр.
Нұржан жеңіспен оралды
Өткен аптада "Аймақты әнмен тепбетіп" атты Ырғыз ауданында дәстүрлі 23-ші Республикалық әндер байқауы өтті. Қазақтың жауһаралы саналатын терме, дәстүрлі ән мен эстрадалық ән орындау бойынша Ақтөбе облысының өнерпаздары бақ сынады. Байқау екі күнге созылды. 17-29 аралығындағы жастар қатыстып, өнерлерін ортаға салды. Шараны өткізудегі мақсат жастар арасындағы шығармашылықты арттыру, халқымыздың салт дәстүрін, тарихын дәріптеу. Байқауда дәстүрлі ән жанры бойынша он өнерлі өрен термеден үзінді орындаса, эстрадалық ән бойынша он екі дарынды өнерпаз отандық сазгерлердің патриоттық әндерін шырқап,көрермендерге ерекше рух сыйлады. Эстрадалық ән орындау бойынша біздің Нұржан Әбжан гран при жүлдесін жеңіп алды.
ТІЛ БОЛАШАҒЫ БАЛАБАҚШАДА
Ағымдағы жылдың 5 маусым күні Қобда аудандық мәдениет және тілдерді дамыту бөлімінің ұйымдастыруымен «Тіл болашағы балабақшада» атты аудандық байқауы өтті. Байқау Ақтөбе қаласының 150 жылдығымен Қобда ауданының 90 жылдық мерейтойларына орайластырылып өткізілді. Ауданда дәстүрге айналған бұл байқау, биыл 10 мәрте өткізіліп отыр. Байқауға ауданның 8 балабақша ұжымдарынан 45 бүлдіршін қатысып, сынға түсті. Балалар байқау кезеңдерінен сүрінбей өтуге бар күштерін салды. Тілдерінен бал тамған бүлдіршіндер көрермендерді өнерлерімен тәнтті етті.
Байқау нәтижелеріне сай бас жүлдені Ақырап ауылының «Балбұлақ» балабақшасы, 1 орынды Егіндібұлақ ауылының «Кәусәр» бөбекжай-балабақшасы, 2 орынды Талдысай ауылының «Гаухар» бөбекжайы мен Қобда ауылының «Нұр» санаторлық балабақшасы, 3 орынды Сарбұлақ ауылының «Құлагер» балабақшасы және Калиновка бөбекжай-балабақшасы жеңіп алды. Жеңімпаз балабақшалар алғыс хаттармен марапатталып, сыйға бассейн, батут, велосипед, самокат және әр балаға ойыншықтар тарту етілді.
ЖАС ӨНЕРПАЗ ЖҮЛДЕМЕН
Өткен сенбіде облыс орталығы Ақтөбе қаласында Т. Ахтанов атындағы драма театрында қалың жұртты тамсандырған «Театр-өнердің ұлы көші» атты фестиваль байқауы өтті. Сахна саңлақтары сынға түскен сайыста біздің ауданның мәдени қызметкерлері топ жарып, көрерменді өнерімен тәнті етті. Аудандық мәдениет үйінің «Сынтас» жастар театрының мәдени ұйымдастырушысы Нұржан Әбжан «Екінші пландағы үздік бейне» номинациясы бойынша лауреат атанды. Өнерімен өрге жүзген жас өнерпазды біз де құттықтаймыз!
Қобда ауданының мәдениет саласында 2018 жылы атқарылған жұмыстар және 2019 жылы дамыту жолдары мен міндеттері туралы ақпарат
Қобда ауданы бойынша барлығы 49 мәдениет ұйымдары халыққа қызмет көрсетеді. Олардың 26 клубтық мекеме, 23 кітапханалар. Ауданда 2 халықтық атағына ие болған топ бар, олар: «Қарлығаш» халықтық би ансамблі және «Гүл-М-Жан» халықтық вокалдық тобы.
2018 жылдың қорытындысы бойынша аудандық мәдениет ошақтарына бюджеттен 280665,5 мың теңге оның ішінде: Калиновка ауылдық клубының шатырын жөндеуге 7075,5 мың теңге, Қызылжар ауылдық клубының күрделі жөндеу жұмыстарының сараптамасын жүргізуге 425,6 мың теңге қаражат бөлініп, игерілді. Метариалдық – техникалық базасы 23518,8 мың теңгеге нығайтылып, сахна киімі, жиһаздар, музыкалық аппаратура, компьютерлер, сорғы алынды
Есепті мерзімде ауданның мәдениет ошақтарында барлығы 1640 мәдени шаралар, концерттер, қойылымдар ұйымдастырылып, оған 70200 астам адам қатысты. Ақылы қызметтен түскен қаржы – 3,090 мың теңге.
Ауданның кітапхана желісі бойынша оқырмандар саны 12750 құраса, жалпы келушілер саны 154673 адамды құрап отыр. Аудан кітапханаларының жалпы кітап қоры-270710 дананы құрап отыр. Кітапхана қорын толықтыру және жаңарту мақсатында кітап сатып алуға 2360,8 мың теңге, материалдық-техникалық базасын нығайтуға 1681,0 мың теңге қаржы бөлініп, игерілді.
Біздің жетістіктеріміз:
Ақтөбе облысында өткен республикалық «Жастар» байқауында Нұржан Әбжан I орынды иеленді.
Ырғыз ауданында өткен Республикалық «Аймақты әнмен тербетіп...» атты ән байқауында Қобда ауданының өнерпазы Нұржан Әбжан жүлделі I орынды иеленді.
Облыстық «Би әлемінде» атты хореграфиялық ұжымдар арасында өткен фестиваль – байқауында 3
Талдысай ауылдық кітапаханасы жаңа үлгідегі коворкинг орталығына айналдырылды.
Өтек ауылдық кітапханасына РАБИС бағдарламасы орнатылып, модельді кітапханаға айналдырылды.орынды «Шалқыма» би тобы иеленді.
Аудандағы мәдениет саласына жергілікті атқарушы органмен лайықты қолдау көрсетілуде, іс-шараларға қажетті қаражат бөлініп, материалдық база нығайтылуда. Соның арқасында жыл сайын өткізілетін шаралардың сапасы артып, аудан тұрғындарының мәдениет саласына деген қызығушылығы артып келеді. Ал бұл аудан тұрғындарының бос уақытын тиімді ұйымдастыруға, патриоттық шаралар арқылы жастарды отансүйгіштікке тәрбиелеуге, қызметкерлер арасында іс-тәжірибе алмасу мүмкіндігін арттыруға, аудан өнерпаздарының облыстық, республикалық, халықаралық шараларда өнер көрсетіп, жетістіктерге жетуіне өзіндік ықпалын тигізетіні сөзсіз. Жоспарлы жұмыс атқара отырып, халық көңілінен шығатын мәдени шараларды ұйымдастыру алдағы уақытта да лайықты жалғасын табады деген ойдамын.
Мәдениет саласын одан әрі дамытуға 2019 жылға қойылған міндеттері:
- Мәдениет мекемелер желісін дамытуды одан әрі жалғастыру;
- Ауданның мәдениет мекемелері желісін сақтау, материалдық базасын нығайту, кітапханалар жүйесін модельді жаңғырту, кітапханаларда цифрландыру жүргізу, озық технология енгізу;
- «Рухани жаңғыру» бағдарламасы мен «Ұлы даланың жеті қыры» мақаласы аясында қоғамдық –маңызды мәдени іс-шараларды сапалы дайындықпен ұйымдастыру;
- Ақтөбе қаласының 150 жылдығын, Қобда ауданының 90 жылдығын жоғары дәрежеде ұйымдастыру;
- Көк үй ауылдық клубы күрделі жөндеуді қажет етеді. 24.10.2016 жылы №13/16-10 мемлекеттік сараптамадан өткізіліп, 1086,4 мың теңгеге ЖСҚ құжаттары жасақталынды. 2019 жылы ЖСҚ құжаттарының мерзімі аяқталады.
- Қызылжар ауылдық клубы күрделі жөндеуді қажет етеді.
- Жыл соңына дейін аудандық кітапхана жанынан коворкинг орталығын ашу;
[вложение "49206479_598445193937281_8357170230962683904_o.jpg" удалено A Tureev/Khobda] [вложение "IMG_7722.JPG" удалено A Tureev/Khobda] [вложение "Рисунок4.jpg" удалено A Tureev/Khobda] [вложение "Рисунок5.jpg" удалено A Tureev/Khobda]
АЖЫРАСУ ӘЛЕУМЕТТІК ПРОБЛЕМА
Ажырасу - әлеуметтік проблемаға айналып, енді қоғамда қалыпты жағдай ретінде қабылдана бастады. Кез - келген проблеманың ушығуы, шиеленісуі - қоғамда оған деген қалыпты көзқарастың тууына әкелетіні сияқты ажырасу да осындай деңгейге жетті. Ажырасу стресс, қайғы деңгейіне байланысты өлімнен кейін бірінші орында тұр. Бұл ауыр әрі қиын, өмірдің қысқаруына әкелетін үлкен өмірлік тәжірибе. Қоғам арасында ажырасудың басты себебі ретінде есептелетін кең таралған пікір: жастардың үлкен өмірге дайындықсыз келетіндігі.
Ажырасу - бұл отбасылық өмірдің дұрыс ұйымдаспауының, ұрыс-керіс, жиналған ашу-ыза, реніш және келеңсіздіктердің ұзақ уақытқа созылуының мәресі.
Көріп тұрғандай, классификация отбасылық өмірдің сыни жағдайларының көптеген жақтарын қамтиды. Бұлардың барлығы шын мәнінде өмірде бар және некені бұзуға себебін тигізеді.
Ажырасу жағдайы мотивтерінің әртүрлілігіне байланысты бұл мәселе бойынша мотивтерді объктивті емес, субъективті түрде талқылау қажет етіледі. Ажырасушы жұптардың ажырасуының субъективті мотивтері әрқашан әр түрлі болады. Мұндай мотивтер арқылы некені бұзушылардың шынайы себептерін талдау қиынға түседі. Кей кездері шынайы мотивтер басқалармен ауысуы мүмкін. Отбасына деген қарым-қатынас өсе келе өзгереді. Жасөспірімдер үшін ата - аналардың маңызды функциясы - балаға өмірлік қиын мәселелерді шешуде көмектесу, түсіндіру, ақпараттандыру, өмірлік қырларды бағалауда өз әсерін тигізу.
Некені (ерлі-зайыптылықты) бұзуды тіркеуші органдарда мемлекеттік тіркеу кәмелетке толмаған ортақ балалары жоқ және бір-біріне мүліктік және өзге де талаптар қоймайтын ерлі-зайыптылардың некені (ерлі-зайыптылықты) бұзуға өзара келісімі бойынша Қобда аудандық мәдениет және тілдерді дамыту бөлімінің АХАТ қызметінің соңғы 3 жылын алатын болсақ - 4 неке бұзу туралы акт жазба тіркелді. Әйелдердің көбісі араққа ауыз салатын болған соң еркектің арақ ішуін жаман әдеті деп есептейді. Мұндай нашар әдет орнын білмей қайталана беретін болса, отау тіккен күннен жиырма жыл өтсе де ажырасудың алдын алып қала алмайды. Отбасыдан ажырау - өз алдына бөлек мәселе. Арақ кейде адамдарды өмірден де ажыратып жатады.
Әркімнің жеке тағдыры бар, проблемалары әр түрлі: ер не әйелдің ішімдікке салынуы, күйеуі не әйелі жұмыссыз, жұбайлардың өмірге деген көзқарастары сәйкес келмеуі, күйеуі не әйелі некеге дейін бірін-бірі ұнатпаған, некеден кейін де ұната ал маған, материалдық қиындықтар. Бұл ажырасудың негізгі себептері.
Сонымен қатар, біздің елімізде ажырасудың себептерін ата-енемен тұру мен күйеу жақтың туған-туысқандары арасындағы қарым-қатынастар шиеленісімен т.б толықтыруға болады. Бүгінде қазақ отбасыларында келіннің ата-енесімен бірге тұруы қалыпты жағдайға айналғанын көреміз. Осы орайда баласын аялап өсірген ана яғни қыздың енесі ұлын қызғанады немесе басқа да себептермен келініне күн көрсетпейтіні сияқты шиеленісті жағдайлар орын алады.
Қобда аудандық мәдениет және тілдерді дамыту бөлімінің АХАТ қызметінің соңғы 3 жылдағы статистикасына тоқтала кетсек, неке қию көрсеткіші - 226 ал неке бұзу көрсеткіші - 113. Бұл аталған 113 неке бұзудың жартысынан көбі 10,15,20 жыл бірге тұрып ажырасып жатқандар.
Ерлі-зайыптылардың біреуінің некені бұзуға келісімі болмаған жағдайда, некені бұзу олардың біреуінің өтініші бойынша жүзеге асады. Сот ерлі-зайыптыларды татуластыруға мерзім белгілеуге құқылы.
Ерлі - зайыптыларды татуластыру жөніндегі шаралар нәтижесіз болса, сот тараптарының өтінішін қанағаттандырады. Көп жағдайларда ерлі-зайыптылар некенің бұзылу себептерін анықтап айтудан бас тартады. Ажырасу себептерін айтудан бас тарту, соттың некені бұзбай қалдыруына себеп бола алмайды. Некенің бұзылуының себебі нақты анықталмаса да сот талапкердің өтінішін қанағаттандыруға құқылы.
Ажырасуды мүлдем болдыртпау, оған заңды тұрғыда тоқтау қою мүлдем дұрыс емес әрі мүмкін де емес.
Қобда аудандық мәдениет
Және тілдерді дамыту бөлімінің
АХАТ қызметінің бас маманы
Абилкалиева Айнагуль
Свидетельства о рождении ребенка через SMS начали получать в с.Кобда
Пилотный проект по проактивному оказанию услуг по рождению ребенка запущен в Казахстане в конце декабря 2017 года.
Одной из первых, получивших услугу в проактивном формате в Кобдинском районе с. Кобда стала Шумекеева Гульназа. Ее новорожденный сын получил красивое имя – Сардар.
Гульназа 22 января 2018 года стала мамой чудного малыша, а 23- го числа ей в торжественной обстановке вручили свидетельство о рождении ребенка, которое было оформлено через SMS-сообщение.
Именно так, быстро и очень удобно для мамочек – претворяются в жизнь идея пилотного проекта по оказанию государственной услуги по рождению ребенка в проактивном формате.
Для того чтобы получать SMS от egov.kz, необходимо осуществить привязку номера мобильного телефона к ИИН рожениц в "Личном кабинете.
По словам молодой мамы, торжество по поводу вручения первого документа их сына стало приятным событием, все сделали за нее, она просто отвечала на смс-сообщения.
Услуга абсолютно бесплатная. Плата за отправку СМС-сообщений не взимается. Но нужно иметь положительный баланс для возможности отправки СМС-сообщений.
Айнагуль Абилкалиева
Главный специалист службы РАГС
Отдела культуры и развития языков
Кобдинского района
16 декабря мы, казахстанцы, празднуем поистине грандиозное событие –
день Независимости.
Это эпохальная веха, успешно пройденная нашей страной под руководством Первого Президента – Лидера Нации Нурсултана Абишевича Назарбаева, есть неотъемлемая часть истории нашего государства и судеб миллионов граждан Казахстана. При всей масштабности и исторической значимости это великое событие сохранило истоки надежды и оптимизма, мудрости и миролюбия наших предков, которые стали путеводной звездой для грядущих поколений.
Для каждой супружеской пары рождение ребенка – очень важное и волнующее события.
Дети – наше будущее, продолжение рода, именно они приносят в дом радость и счастье, наполняют жизнь теплом и светом.
С появлением ребенка жизнь обретает особый смысл.Службой РАГС отдела культуры и развития языков Кобдинского района проведена торжественная регистрация рождения ребенка рожденного 16 декабря 2017 года. Свидетельство о рождении сына с памятным подарком и наилучшими пожеланиями вручено матери малыша. Абат – пятый ребенок в многодетной семье Болатбека и Жанылай Курманбаевых, в этот день он не только обрел имя, но и стал гражданином Республики Казахстан.
Поздравляем их с таким счастливым и радостным событием и осыпаем наилучшими пожеланиями!
Гл. специалист
службы РАГС
отдела культуры и развития языков
Кобдинского района
Актюбинской области Абилкалиева.А. Б.
Қобда ауданы бойынша мәдениет саласында 49 мәдениет ұйымдары, оның ішінде: 23 кітапхана, 1 аудандық, 2 ауылдық мәдениет Үйлері, 22 ауылдық клуб және Жастар үйі халыққа қызмет көрсетеді. Сонымен бірге, аудан жұртшылығына облыстық «Әлия» патриоттық тәрбие беру орталығы, «Қобыланды Батыр» мемориалдық кешені қызмет көрсетеді. Ауданның мәдениет мекемелерінде 211 адам қызмет жасайды, олардың 78-і шығармашылық қызметкерлер.
2 шығармашылық ұжымның «халықтық» атағы бар. Олар: «Қарлығаш» халықтық би ансамблі, «Гүл-М-Жан» халықтық вокал тобы.
2005-2015 жылдары ауданда 14 мәдениет мекемесі, 2010 жылы Жастар Үйі ашылды.
2007 жылдан бері аудандағы 23 кітапхананың 12-іне, яғни 52,2 %-на РАБИС бағдарламасы орнатылып, соның арқасында 10 ауылдық кітапхана (Ақырап, Әлия, Жиренқопа, Сарбұлақ, И.Білтабанов, Бестау, Қызылжар, Бегалы, Егіндібұлақ, Калиновка ауылдық кітапханалары) жаңа үлгідегі ауылдық модельді кітапханаға айналдырылды. Кітап қоры - 254,4 мың дана, 2016 жылы кітап қорын толықтыруға – 2626,0 мың теңге бөлінді.
2005-2015 жылдары 7 мәдениет нысаны (Сарбұлақ, И.Білтабанов ат., Әлия, Қобда, Калиновка, Ақырап, Жиренқопа ауылдық клубтары) күрделі жөндеуден өтті. 2015 жылы Аймақты дамыту бағдарламасы аясында Жарсай, Жарық және Бестау ауылдық клуб ғимараттарына ағымды жөндеу жұмыстары жүргізілді.
Қобда аудандық мәдениет Үйі және Әлия ауылдық мәдениет үйі көгілдір отынға қосылды. Бестау ауылдық клубына газдандыру жұмыстары жүргізілуде.
Қазіргі таңда Талдысай ауылдық клубының ғимаратына күрделі жөндеу жұмыстарын жүргізуге «Жұмыспен қамту -2020 жол картасы» бағдарламасы аясында «Кварц-СпецСервис» ЖШС-гі күрделі жөндеу жұмыстарын жүргізуде.
Мәдениет мекемелерінің материалдық – техникалық базасы жыл сайын нығайтылуда. Қажеттілікке сай музыкалық аппаратура, сахна киімдері, жиһаздар, кітаптар алынады.
Жыл барысында құрылған жоспарға сай түрлі мерекелік шаралар өткізіледі. Атап айтсақ жыл басынан қаңтар айында Тәуелсіздіктің 25 жылдығына орай «Үлкен мемлекет – үлкен отбасы» атты республикалық акциясының ашылуы Қобда аудандық мәдениет Үйінде өз бастауын алды. Ақпан айында «Ауған соғысында от кешкендер» атты мерекелік концерт ұйымдастырылса, 8 наурыз мерекесіне орай «Қырмызы қызыл -гүлімсің» атты мерекелік шара, Наурыз мейрамына орай «Әз, Наурыз!» халық серуені, 1 мамыр достық күніне орай «Жайна, жаса мамыр!» фестиваль-байқауы, Ұлы Жеңіс күніне «Ерлік жолы өшпейді» мерекелік концерті, «Жас түлек - 2016» мектеп бітіруші тулектердің аудандық фестивалі, Астана күніне орай «Асқақта ару Астана!» мерекелік концерті, Қобда ауылынің күні ұйымдастырылды.
Сонымен қатар жоспарға сай облыстық байқаулар да өткізілуде. Сәуір айында «Ғажайып балалық» атты облыстық би байқауы өткізілсе, шілде айында «Елдігімнің айғағы - егемендік» атты облыстық ақындар айтысы өткізілді.
Облыс әкімінің хаттамалық тапсырмасына сай Қобда ауданында «Көше күндері» мерекесі де ұйымдастырылып, жоспарға сай өтілуде.
Добавлено: 
27.02.2013 - 05:00
Последние изменения: 
27.02.2020 - 05:00