Ақтөбе - адалдық алаңы

ХАБАРЛАНДЫРУ
Қобда ауданының әкімдігі, «Ақтөбе-адалдық алаңы» жобасы аясында, облыста қоғамды адалдық пен парасаттылыққа шақыруға бағытталған іс-шараларды өткізілуіне байланысты 2019 жылдың 27 тамызында «Мемлекеттік аппараттың жұмыстарымен танысу» атты аудан әкімдігінің аппаратында ұйымдастырылып өтетін ашық есік күніне барлық ерік білдірушілерді шақырады.
Қобда ауданының әкімдігі
Ақтөбе - адалдық алаңы
Жобаның негізі мемлекет басшысының 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты халыққа жолдаған Жолдауына орай еліміздің барлық өңірлерінде «Адалдық алаңы» атты жобасы өз жұмысын бастады. Жобаның мақсаты сыбайлас жемқорлықты жалпыға ортақ қабылдамауды қалыптастыру және сыбайлас жемқорлықты қысқартумен мемлекеттік билік институттарына деген сенімді арттыру болып табылады. «Ақтөбе – адалдық алаңы» жобасы негізгі ауылшаруашылық және жер қатынастары, сот пен құқық қорғау органдары, қоғамдық бақылау картасы, ақпараттық жұмыс, мемлекеттік кірістер органдары, сәулет, құрылыс және тұрғын үй-коммуналдық шаруашылық, мемлекеттік сатып алудың мониторингі, халыққа ашықта айқын болу жолдарын қамтуда. Осыған дәлел ретінде «Ақтөбе – адалдық алаңы» жобасы негізгінде Ақтөбе қаласындағы Алматы ауданы және Алға, Темір, Шалқар аудандарында ОРЕN SPACE стиліндегі кабинеттері ашылды. Кабинеттер бейнебақылау камераларымен жабдықталған және әкімдіктің бірінші қабаттарында орналасқан. Сондай-ақ болашақта Қобда ауданында ОРЕN SPACE стиліндегі кабинеттерін ашу жұмыстары жоспарлануда. «Ақтөбе – адалдық алаңы» жобалық жұмыстарының арқасында автокөлікті техникалық тексеруден өткізуге қатысты жалған диа-карталарын беру фактілері анықталды. Осыған ұқсас келеңсіз жайттарды болдырмау мақсатында, Ақтөбе облысының аудандарында арнайы Халыққа қызмет көрсету орталықтарын ашу ұсынылды. «Ақтөбе – адалдық алаңы» жобасына қатысты байланыс деректері қамтылған, ауданымыздың орталық көшесінде баннер ілінді. 2019 жылдың 15 тамызында ауданымызға құқықтық түсіндірме жұмыстарын жүргізу бағытында, Ақтөбе облысы бойынша сыбайлас жемқорлыққа қарсы іс-қимыл ұлттық бюросының басшысы Мухамбетов Мирлан Бегежанұлы және «Ақтөбе — адалдық алаңы» жобалық кеңсе басшысы Мұхтарита Сағындықова жұмыс сапары барысында, «Ақтөбе — адалдық алаңы» жобасына қатысты жасалып жатқан жұмыстарына тоқтала отырып түсіндірмелік жұмыстарын өткізді. Жалпы «Ақтөбе — адалдық алаңы» жобасы өз жұмысын еліміздің мемлекеттік органдарының салаларына бағытталып жұмыс жасауда.
Қобда аудандық әкім аппаратының
мемлекеттік құқық жұмысы бөлімінің
бас маманы А.Н.Мұхамбеталин
Адалдық алаңы
Расул МЕДЕТОВ,
ҚР Мемлекеттік қызмет істері және
Сыбайлас жемқорлыққа қарсы іс-қимыл агенттігінің
Ақтөбе облысы бойынша департаментінің басшысы,
Әдеп жөніндегі кеңестің төрағасы:
— «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына арналған биылғы Жолдау — Мемлекет басшысының көреген саясатының тағы бір дәлелі.
Жолдауда тұрғындарымыздың әлеуметтік жағдайын және табыс пен тұрмыс сапасын арттыруға арналған маңызды тетіктер айрықша аталған. Соның бірі — сыбайлас жемқорлықпен белсенді күресті жалғастыру.
Осыған байланысты біз қоғам өмірінің барлық салаларындағы сыбайлас жемқорлық тәуекелдерін жою бойынша жұмыс атқарып жатырмыз.
Қазіргі таңда «Сыбайлас жемқорлықтан ада өңірлер» жобасы аясында Елорданың жемқорлыққа қарсы стратегияны жүзеге асыру жөніндегі тәжірибесін қолдана отырып, «Ақтөбе – адалдық алаңы» жобасын қолға алдық. Жобаға сәйкес, құрылымда жасалған сыбайлас жемқорлық құқық бұзушылықтары немесе орыналған елеулі тәртіптік теріс қылықтар үшін бірінші басшылар да жауапты болады. Ол үшін тұрмыстық сыбайлас жемқорлықтың деңгейін төмендетуге, қоғамда сыбайлас жемқорлыққа қарсы мәдениетті қалыптастыруға және мемлекеттік билік институттарына деген азаматтардың сенімін нығайтуға бағытталған келісім шарт әзірленді.
Аталған құжат мемлекеттік көрсетілетін қызметтер сапасы, кадр ауысымдылығы, тұрғындармен тұрақты түрде кездесу ұйымдастыру, қызметкерлерді ынталандырудың және кәсіби қызметтің ашықтығын қамтамасыз ету мәселелеріне де қатысты жауапкершілікті күшейтуді көздейді. Бүгінгі күні құжатқа қол қою ұсынысын 239 жергілікті атқарушы орган басшылары қолдап отыр.
Одан бөлек, Елбасының ел экономикасының дамуына үлес қосатын бизнесті заңсыз әкімшілік қысымнан және қылмыстық қудалау қаупінен қорғауды арттыра түсу қажеттілігі туралы айтқаны мені қатты қуантты.
Осы орайда өңірімізде кәсіпкерлікті қолдау бойынша барынша жағдай жасалуда. Соның дәлелі — агенттіктің, «Атамекен» кәсіпкерлік палатасы, «KazakhInvest» компаниясы және облыс әкімдігімен бірлесе ұйымдастырылған «Protecting Business and Investments» жобасы. Жобаның соңғы үш айлық жұмыс қорытындысы нәтижесінде облыста жүргізілген жұмысқа оң баға берілді.
Облыстық департаментке инвесторлардан 16 арыз-шағым түсіп, оның 15 қысқа мерзімде шешіліп, қалған 1 өтініш бақылауға алынды.
Мәселен, «Green Capital Kazakhstan» ЖШС жылыжай құрылысын бастауға қажетті мемлекеттік сараптаманың уақтылы берілуі бойынша шаралар қабылданды. 2 ай уақытқа созылған сараптама нәтижесі департаменттің араласуымен 2 күнде шешілді. «ЭНИ Армвинт» ЖШС-ның құрылыс жұмыстарын жүргізуге қажетті электр желісін «Казхром ТҰҚ» АҚ аумағынан өткізу мәселесі де оң шешімін тапты.
Департаментпен өңірдегі оңтайлы бизнес ахуалды қалыптастыру және бизнес өкілдерінің құқықтары мен заңды мүдделерін қорғау бойынша жұмыстар алдағы уақытта да қарқынды түрде жалғасын табады. Жолдауда да Елбасының осыған ерекше мән бергені, яғни кәсіпкерлердің мүддесін қорғауға маңыз беріліп жатқаны жақсылықтың нышаны деп білемін.